1 Corintios 10:24 - Xochapa Mixteco

²⁴ Xaꞌa ya ñaa kua köo xíniñuꞌu ndo kundiꞌi ini ndo ndisaa xaꞌa mií ndo, ya koo vaꞌa ndo. Xíniñuꞌu tu ndo kundiꞌi ini ndo xaꞌa inka na taꞌan yo ya koo vaꞌa na.

1 Corintios 10:24 ပူးပေါင်းရင်းမြစ်များ

1 Corintios 10:33

Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.

1 Corintios 13:5

Naꞌa, na ndee ni íyo ya kúꞌvi ini táxi Ndioxi ndaꞌa na ta tǒꞌo ni na, ni köo ndíꞌi ini na ndisaa xaꞌa mií na, ni köo sáa kama na, ni köo kíꞌin na kuenta xaꞌa ya väꞌa íkan inka naꞌa xiꞌin na,

2 Corintios 12:14

Ta vitin ta xa íyo ndúvi tuku i xaa i koto i ndóꞌo̱ ichí uni. Ta köo kúni i sindiꞌi i ini ndo ya chindee taꞌan ndo xiꞌin i. Chi yeꞌe, ta köo ndúku i ñaꞌa ya kúu mií ndo nuu ndo, mií va ndo ku ndo ndíꞌi ini i xaꞌa. Chi na iva siꞌí va ku na xíniñuꞌu nduku xuꞌun ya kuniñuꞌu na vali seꞌe na, ta süvi seꞌe vali na ku na xíniñuꞌu nduku xuꞌun xaꞌa iva siꞌí na.

Filipenses 2:21

Chi ndiꞌi ka na ta ndisaa xaꞌa ya kúni mií va na kua ndíꞌi ni ini na, köo ndíꞌi ini na xaꞌa ya kúni Jesucristo.