1 Corintios 10:14 - Xochapa Mixteco

¹⁴ Xaꞌa ya ñaa kua xíkan ni i ya mani nuu ndo, ñani mani, kuxika ndo nuu ñaꞌa ya káꞌan naꞌa xaꞌa kúu ndioxi na, ta xäa kaꞌnu ndo ya.

1 Corintios 10:14 ပူးပေါင်းရင်းမြစ်များ

Los Hechos 15:20

Vaꞌa ná taa yo iin tutu kuꞌun ndaꞌa na nuu kaꞌan yo xiꞌin na ya küvi kuxi na ñaꞌa ya táxi naꞌa ndaꞌa naꞌna ya káꞌan na kúu ndioxi. Ta ni iin taa ta küvi kiꞌvi ra xiꞌin inka ñaꞌa tá tu süvi yá síꞌi ra ku yá, saa tu ná ñaꞌa va tá tu süvi ií ná ku iin taa, ni kiti ndíxita na sukun küvi kuxi na, ni nií ri küvi kuxi na, kachi yo xiꞌin tutu tiꞌvi yo kuꞌun ndaꞌa na köo kúu judío.

ROMANOS 12:19

Ñani yo, xiꞌin kuꞌva yo, ndüku ndo kuꞌva ya sindiko koo ndo ya väꞌa nuu taꞌan ndo, chi mií Ndioxi ku ra chaꞌvi nuu naꞌa xaꞌa ya väꞌa íkan na xiꞌin ndo. Tá kuꞌva káꞌan tuꞌun mií ra, ya káchi saa: “Yeꞌe ku i kúu mií ichí ya xaa nduvaꞌa i xiꞌin naꞌa, chaꞌvi i na tá kuꞌva íkan na”, káchi Iva yo Ndioxi.

1 Corintios 10:15

Ta ndóꞌo̱, ta ndo táku̱ ini ku ndo, yakan vaꞌa kúndaa ini ndo ya káꞌan i xiꞌin ndo. Vaꞌa koto ndoso ndo ya káꞌan i xiꞌin ndo án ya vaꞌa ku ya, án süvi ya vaꞌa ku ya.

1 Corintios 10:19

Ya káꞌan i saa xiꞌin ndo, ta köo káꞌan i xiꞌin ndo ya táku naꞌna ndioxi na, ta ni köo kúni tu i kaꞌan i xiꞌin ndo ya íyo ndee mií kuñu ya sóko na nuu va ya.

1 Corintios 10:7

Ná xäa kaꞌnu yo naꞌna ndioxi ya ndíi, tá kuꞌva i̱kan sava xií sikua yo, tá káchi tuꞌun Ndioxi ndíkani ya: “Ndi̱kundoo na xi̱xi na tin xi̱ꞌi na, sindiꞌi saa ndi̱kuita na xa̱á na kúkueꞌe na xiꞌin taꞌan na, saa xáa kaꞌnu na ndioxi ndíi”, káchi ya.

1 Corintios 5:11

Ya ndi̱kaꞌan i xiꞌin ndo kua ná kütaꞌan ndo xiꞌin naꞌa, na káꞌan ndíkun na Jesucristo, ta kútoo na kaka sii na xiꞌin taꞌan na, án síkuiꞌna na, án xáa káꞌnu na ndioxi ndíi án kánaꞌa kini na xaꞌa inka naꞌa, án na xíꞌi ku na, án na síndaꞌvi naꞌa ku na. Ndiꞌi naꞌa, na íkan saa ta ni kütaꞌan ndo xiꞌin na, ni küxi ndo xiꞌin na.

2 Corintios 11:11

Xaꞌa ya káꞌan i saa xiꞌin ndo, ta süvi ya köo kúꞌvi ini i xíni ndóꞌo̱ kua, mií Ndioxi xíni ya ndee ni kúꞌvi ini i xíni i ndóꞌo̱.

2 Corintios 12:15

Vaꞌa ni kúni i ya tíin ndiꞌi i xuꞌun ya kúu mií i xiꞌin ndo, ta nda mií i ta taxi i mií i xaꞌa ya chindee i ndóꞌo̱. Ndee ni va kúꞌvi ka ini i xíni i ndóꞌo̱, sundi ndóꞌo̱ ta loꞌo ni va kúꞌvi ini ndo xíni ndo yeꞌe.

2 Corintios 12:19

Ta ¿án sana ndíkani ini ndo xaꞌa nde ya ndíkuiin nde xaꞌa nde ndiꞌi saa tiempo nuu ndo, káꞌán ndo, ta yakan kua táa nde tutu yóꞌó xaa ya nuu ndo, túvi ndo? Ta süvi saa íyo ya. Chi ndeꞌe ndíkun Ndioxi ku nde, ta nuu mií ra kua káꞌan nde xiꞌin ndo, chi ñani nde ku ndóꞌo̱, ta ndiꞌi ya íkan nde xiꞌin ndo ta xaꞌa ya kúni nde chindee taꞌan nde xiꞌin ndo va kua.

2 Corintios 6:17

Ta káꞌan ka ra, káchi ra saa: Kana koo ndo tañu na väꞌa ñaa. Kuxika ndo nuu na. Ta tïndaa ndaꞌa ndo nuu nda iin ñaꞌa ya väꞌa nuu i. Ta saa vaꞌa ndikuiso i ndóꞌo̱.

2 Corintios 7:1

Ta saa ñani mani yo, xa ndi̱kaꞌan Ndioxi xiꞌin yo ya ki̱ndoo ra xiꞌin yo, yakan ná kundaa ni yo mií yo, ná kuxika yo nuu ndá ka ñaꞌa väꞌa, ya xáa yakua ikin kuñu yo xiꞌin ya vaꞌa yo. Ná nditaxi ndiꞌi yo mií yo ndaꞌa Ndioxi, ya xaa toꞌo yo ra, saa kua nduu yo na i̱í nuu ra.

Filipenses 4:1

Xaꞌa ya ñaa kua káꞌan ni i xiꞌin ndo ñani yo xiꞌin kuꞌva yo, tuun ni kundikun ndo Tata yo Jesucristo. Xa xíni mií ndo ndee ni kúꞌvi ini i xíni i ndóꞌo̱, ta kúni ni i kuni i ndóꞌo̱. Chi ndóꞌo̱ ku ndo xáa sií ni ini i, ta vaꞌa ni kée i xiꞌin ndo, kúsini ni i xiꞌin ndo, tá káa ñaꞌa ya níꞌi iin ra xínu, saa íyo ndo nuu i, ndáa yaꞌvi ni ndo.

FILEMÓN 1:1

Yeꞌe ku ra Pablo, ra ndíkaa veꞌe kàà yóꞌó, ta xaꞌa ya káꞌan ndoso i tuꞌun vaꞌa xaꞌa Tata yo Jesucristo kua ndíkaa i yóꞌó. Ta xiꞌin ra Timoteo ñani yo kua táa i tutu yóꞌó xaa ya ndaꞌa un ñani yo Filemón, chi yóꞌo̱, ta xáa chiñu un nuu Tata yo Jesucristo tá kuꞌva xáa chiñu ndeꞌe nuu ra, ta ndee ni kúꞌvi ini nde xíni nde yóꞌo̱.

HEBREOS 6:9

Ñani yo, ndóꞌo̱ ku ndo kúꞌvi ni ini nde xíni nde. Vani ndee ni uꞌvi tuꞌun ya káꞌan nde xiꞌin ndo yóꞌó, sundi ndeꞌe ta xíni nde ya ndee ni vaꞌa ndíkun ndo ichí nuu sikaku ndo mií ndo, chindee ndo mií ndo.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

1 Juan 5:21

Ñani yo, ndóꞌo̱ ta tá íin seꞌe i saa íin ndo. Ta ya yóꞌó ku tuꞌun ya sindiꞌi káꞌan i xiꞌin ndo: Küyati ndo nuu naꞌna ya káꞌan na xiꞌin kúu ndioxi, kuxika ndo nuu ya.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 2:14

Vani kuaꞌa ni va ya vaꞌa íkan ndo, ta saa ni íyo uvi ndaa kuachi ndo nuu i. Saa chi íyo naꞌa, na ndíkitaꞌan xiꞌin ndo nuu ndíkitaꞌan ndo xáa kaꞌnu ndo Ndioxi, ta na ñaa ta xáa súvi ka va na ya si̱naꞌa ra Balaam xinaꞌa. Chi ra íkan ku ra ndi̱kaꞌan xiꞌin ra Balac ndá kuꞌva kuchiñu sikoyo ra na ñuu Israel. Ta si̱ndikava ra na nuu kuachi, chi xi̱xi na ñaꞌa ya síniꞌi naꞌa nuu kuaꞌa ni ndioxi ndíi án naꞌna ya káꞌan na kúu ndioxi na. Ta ta̱a sií ra nda taa ya koo tani nda. Ta saa i̱kan tu ra xiꞌin ná síꞌi va.

El Apocalipsis 21:8

Ta na síndikoo ichí i xaꞌa ya íꞌvi na tixuꞌvi na xaꞌa i, ta kuꞌun na yavi nuu xíxi ni ñu̱ꞌu̱ xiꞌin ñuꞌú káꞌndi ya náni azufre, saa kundoꞌo na köo xíin kandixa yeꞌe, na íkan ndiꞌi saa nuu ya väꞌa, ya kini, xiꞌin na xáꞌni ndìì, xiꞌin nda taa nda kuakiꞌvi xiꞌin inka ñaꞌa, án ndiꞌi ná ñaꞌa ná kuakiꞌvi xiꞌin inka taa, saa tu na tási xiꞌin na káñuꞌu yu̱ú savi án na káñuꞌu inka naꞌna ya köo kúu ndioxi ra ndaa, xiꞌin ndiꞌi na ndítuꞌun vata. Ta ya ndoꞌo ni na yóꞌó ku nuu “kuvi na ichí uvi” ―káchi Ndioxi ndi̱kaꞌan ra xiꞌin i.

El Apocalipsis 22:15

Ta na väꞌa ndoo na kundoo na chí keꞌe, chi na ikán ku na i̱kan ya väꞌa, ya kini ni. Saa tu na tuꞌva, na tási, saa tu nda taa nda ndi̱xika xiꞌin ná síꞌi, ta saa tu ná síꞌi ná ndi̱kiꞌvi xiꞌin taa, ta saa tu na xa̱ꞌni ndìì, saa tu na xa̱a kaꞌnu inka ndioxi án inka naꞌna ndioxi ra köo kúu Ndioxi ndaa, saa tu na kútoo ni kaka xiꞌin ya síki, ta síndaꞌvi na naꞌa. Ndiꞌi na ikán küchiñu na koo na ñuu i̱í xiꞌin Ndioxi.