Yefɛsyifa 5:23 - Yãhã Naambiyãrfãn Saba

²³ Ye sẽ yãã, puai woo kẽ, u ma u cɔɔ yĩŋ na, mii u Yãhã Yĩndefua Crise dyaŋ tuu ma pe Yesu kãndeyãrfa byɛ yĩŋ na mii. Poo ma mii u kadye dyaŋ, woo -sẽ ma pe Syayahafua.

Yefɛsyifa 5:23 ပူးပေါင်းရင်းမြစ်များ

Yesu tẽnlɛhɛ tẽŋ 20:28

-Ye naa n sẽŋ yii na tesẽ nawee- mpãy byɛ ne Yãhã Yrã pe le soho ye koho wo, -ye pe gbihi naa n yigi mii mbanaha dyaŋ u mbaa ne. Poo mii, Yãhã pe par sya ke Dya ntãŋ wãwoo kãmay na.

Kɔrntifa cir 6:13

Pe n yee, a dir ma laha myaha na, laha ma dir myaha na. Tee -sẽ le cã ye yee, Yãhã ga ba te byɛ wĩĩ kua. Nawee kadye sẽ -sẽ nii tyatyãhã myaha na ye. Nawee kadye ma Yĩŋfua Yesu myaha na; tesẽ Yĩŋfua Yesu ma nawee kadye myaha na.

Yefɛsyifa 4:15

Wo ma -sẽ cĩĩnde pãã laanyĩn ne, cĩĩnde lii Yãhã ke yar wo na, wo ga yi kãã kicar draha wo, wo lɛ naa n gaha wo ba nii u Crise wãŋ syi dyaŋ, woo wii u ma u kãndeyãrfa byɛ Yĩŋfua.

Yefɛsyifa 5:24

Ca yai pe naa n luhu koo syi pe pa ye kãnkai- byɛ wo, mii Yesu kãndeyãrfa wãŋ syi dyaŋ pe n luhu u Crise ye mii.

Kolosyifa 1:18

Ye cã, yĩŋ koo kẽ ke ma kadye teebɛhɛ byɛ yaha ye. Koo syi dyaŋ Yesu Crise ma u kãndeyãrfa yawãr byɛ yĩŋ na. Woo kẽ u ke kai- byɛ fegbesaha ta, woo kẽ tuu cãã yir gbã wo, ma dur ba yrãŋ na. Loo ne, u ma yaha ye kai- byɛ wo.

Tesalonifa saba cir 1:10

Yesu woo kẽ u ma Yãhã Dya, Yãhã u ta u n yir gbã wo, ma dur ba yrãŋ na gbaafa ye. Woo kẽ, tuu wo sya yaha, Yãhã ma n ba wo sãhã wo kapee- wĩĩ na ye. Yagaa, ye woo wãdurbaŋ sẽŋ, yaliile tuu ga ba yir yãhãyĩŋ na u dur ba kãntraha na.

Kayar 19:7

-Too naa nuhu di laantãr ne, wo naa Yãhã miingbãŋ gboho! Ye sẽ yãã, u Yãhã Mbapẽnge nuhu yale nɔ wa, u nuhu tii te ma mii casyar nuhu dyaŋ, u cafuɛ̃ n u ya gbihi ta wa.

Kayar 5:9

Te n nii yaanfãŋ le ma yee: «Ma yai ma u saba gbe, ma te puhu kuã. Mboo kẽ pe ba ma boo mpar draha wo. Ma ntãŋ wãwoo kãmay na, ma nawee- ter byɛ par sya Yãhã kẽ, yor ter byɛ nawee- ne, kui byɛ nawee- ne, tesẽ kãntrɛ byɛ nawee- ne.