Yebɛrɛfa 4:7 - Yãhã Naambiyãrfãn Saba

⁷ Mpãy pe -sẽ ga waha koo cĩĩnde wãwũũ nge yãã, loo ta Yãhã n per gaa ta, ma ke myaha taha nanga. Yãhã wo faale wãdyaha Dawide ta, u n koo nanga nge wĩĩ pãã, le n yrũhũ yaha Yãhã sabangbãŋ wo; koo syi kẽ, ta n cãã ye yar wa le ne ma yee, Yãhã yee: «Ye ma Yãhã yɛ̃ kapãn luhu nanga, -ye le sya nuhu ne, ye ma syi ye nii nditẽŋ le ye ye!» Wo faale wãlɛ pe bii le Yãhã yɛ̃ kapãn sye tẽyãfũũ klo wo, dyɛ- buar tɛr loo kur ye, Dawide n cã ba ke nanga per kapãn nde pãã.

Yebɛrɛfa 4:7 ပူးပေါင်းရင်းမြစ်များ

Matɛhɛ 22:43

Yesu n pe pye ma yee: «Le ma pye ke dyaŋ, Dawide -sẽ maha pye mii ma u yee Yĩŋfua? Ye sẽ yãã, Yãhã Yrã Fãnga pye Dawide na, ma bii u ta u n le pãã ma yee:

Marɛkɛ 12:36

Yãhã Yrã Fãnga ke pye Dawide na, woo gɛ bii le pãã ma yee: ‹Yĩŋfua Yãhã ta Yĩŋfua pye ma yee: Pa tege nii ta kãndigi koho kuɛ ye kai- byɛ yĩŋ na, ta n sya ba ma napĩĩ- yĩy kor le ma kẽ, pe n nii mii ma tãnde fyãhã tã pe na.› »

Luke 20:42

Dawide gɛ sẽ bii le pãã la Yãhã wãsey yay saba wo ma yee: ‹Yĩŋfua Yãhã ta Yĩŋfua pye ma yee: Pa tege nii ra kãndigi koho kuɛ ye kai- byɛ yĩŋ na,

Yesu tẽnlɛhɛ tẽŋ 2:29

Wo nna, ye cã n ga waha wo faale wãdyaha Dawide wĩĩ pãã laha ye ye. Tuu ku, pe u le gbĩĩ lii wo, loo sẽ na nde nantãŋ too n yãŋ?

Yesu tẽnlɛhɛ tẽŋ 2:31

Yãhã ke wii ta ke Yĩndefua, u wãyir gbã wo tesẽ u wãdurba yrãŋ na gbaafa ye, Dawide bii loo cãã cã wa. Koo kẽ u n bii le cãã pãã yaha u wĩĩ na ma yee: ‹Yãhã sẽ u ta yaha nakur klo wo ye, u kadye sẽ fũhũ nii gbĩĩ laam wo ye.›

Yesu tẽnlɛhɛ tẽŋ 28:25

Pe Yiifee- yahaseefa n ba yir poo ga tɛr. Pe sẽ -sẽ ba wãã le yĩmbui nen na ye. Loo na, Pɔl n kapãn nde ya pãã pe ye, ma yee: «Yãhã Yrã le naa lii pãã ye wãlɛ ye faale Yãhã kaplãŋ tɔ̃rfua Yisa yɛ̃ na, le tãhã kẽ.

Yebɛrɛfa 3:15

Le ma le yrũhũ yaha Yãhã sabangbãŋ wo ma yee: «Ye ma Yãhã yɛ̃ kapãn luhu nanga, -ye le sya nuhu ne, ye ma syi ye nii nditẽŋ Yãhã ye mii ye wãlɛ dyaŋ ye, poo bii jar Yãhã ye.»