Syake 2:23 - Yãhã Naambiyãrfãn Saba

²³ Loo nde n ta, Yãhã sabangbãŋ kapãn nde n nii cĩĩnde, lii le n yee: «Brama bii Yãhã ta u Yatɛr, ma ke kapãn sya le yaha kaplãŋ byɛ yaha ye. Yãhã n -sẽ yee, u sroŋ koo yĩnde na.» Yãhã n u ta ke naambiyã.

Syake 2:23 ပူးပေါင်းရင်းမြစ်များ

Marɛkɛ 12:10

N cã ye kapãn nde yãã kal Yãhã sabangbãŋ wo, lii le n yee: ‹Ntẽmblaha gii nwonfããfa pe ba sye yaha, koo ntẽmblaha kẽ ke dur yĩŋ yãã ke nwoŋ wãfãã wo.

Marɛkɛ 15:27

Pe n maha kapeepyefa syãm mpãy kuey mar yir yaha trãŋ na pe ya wuhu na, nen nwo Yesu kãndigi kuɛ ye, nen nwo u kãmaŋ kuɛ ye. [

Luke 4:21

Yesu n -sẽ gbe ma nii pe yar ma yee: «Kai- ngĩĩ tẽ kal ye ye ke Yãhã sabangbãŋ wo ye n luhu, koo kẽ tee n yãã nanga, ke yagaa nge na.»

Yesu tẽnlɛhɛ tẽŋ 1:16

ma pe pye: «Wo nna, yii mpãy tee Yesu ta ye Yatɛr, kai- ngĩĩ ke pye ngĩĩ, le sẽ pye wãkuãtɛr wĩĩ mii le sẽ pye ye. Yuda wii tuu sya nii tɛrfua Yesu napĩĩ- yaha ye, pe n ga u yigi, Yãhã Yrã bii u wĩĩ cãã yar wo faale wãdyaha Dawide na, u n le yrũhũ le yaha Yãhã sabangbãŋ wo.

Wormefa 11:2

Yãhã sẽ ke nawee- miy yaha ye, poo mpãy ke pe yãŋ yi faale wo. Lii le yrũhũ yaha Yãhã sabangbãŋ wo ma yee, faale Yãhã kaplãŋ tɔ̃rfua Yeli laam bii war Yiisrɛfa wĩĩ na, u n le pãã Yãhã ye, ye koo kaplãŋ yãã kal. Ke ma ke yrũhũ yaha ma yee, Yeli Yãhã pye ma yee:

Wormefa 9:17

Yãhã sabangbãŋ wo le ma le yrũhũ yaha ma yee, Yãhã bii Syiptefa yĩŋfuangbãŋ pye ma yee: «N ma ta Syipte kãntraha yĩŋ na, ma yee n ga ra fãngangbãŋ yar kai- nkãy ne tẽ ga pye ma na, ta miingbãŋ n yi kãntraha kur byɛ na. Koo kẽ ta n ma ta yĩŋ na.»

Galasyifa 3:22

Yãhã sabangbãŋ sẽ yee la, wo kapee- wãpyeŋ wo byɛ fyãhã yigi yaha? Koo syi kẽ, Yãhã bii yɛ̃ tɛr kayĩĩ lii wãpyeŋ ne, ke ga naa le pye mpãy kẽ pe Yesu Crise ta pe Yatɛr. Pe Yesu Crise wãta pe Yatɛr koo kẽ, le ga ta pe n loo kayĩĩ nde yãã, pe sroŋ Yãhã yĩnde na.

Galasyifa 3:6

Ye sẽ yãã, Brama wĩĩ ne le yrũhũ le yaha Yãhã sabangbãŋ wo ma yee: «Brama bii Yãhã ta u Yatɛr ma ke kaplãŋ sya le yaha kaplãŋ byɛ yaha ye. Yãhã n -sẽ u yãŋ ma yee, u sroŋ.»

Timuti saba syãŋ wuhu 3:16

Kaplãŋ nkãy ke ma Yãhã sabangbãŋ wo, Yãhã kẽ ke koo ngĩĩ byɛ le nawee- mpãy laam wo, pe n -sẽ ke yrũhũ yaha. Ke yɔ̃, ke ga waha nawee klaha Yãhã wũhũ ne; ke ga waha nawee kapee- yar u na, u n cã ke sẽ yɔ̃ ye. Ke ga waha nawee klaha, u n kãmpee miy yaha, u kãnyĩĩ gbe. Ke ga waha nawee klaha, u n naa n sroŋ.

Syake 2:24

Ye sẽ le yãã, nawee wii ma nii Yãhã laam wĩĩ pye, loo ga ta u n sroŋ Yãhã yĩnde na. Le sẽ yai ma ke ta ma Yatɛr yɛ̃ ya ne ye.

Pyar saba cir 2:6

Yãhã sabangbãŋ wo, le ma le yrũhũ ta ma yee, Yãhã yee: «-Ye yãŋ, n nwo, tẽ cãã nwonfãã ntẽmbangbãŋ gaa yãŋ yi ta klo nde wo pe n yee Yurusalɛm. Koo ke ma ke nwoŋ yĩŋ. Ntẽmbar nde byɛ ga ba fãã tã taha koo na. Ke tɛr wãn byɛ yaha. Koo kẽ tẽ yãŋ yi. Wii ma koo ntẽmbangbãŋ nge wĩĩ sya cĩĩnde, fyar wĩĩ laa saa ufua dye yãã ye.»