Nsãn 16:10 - Yãhã Naambiyãrfãn Saba

¹⁰ Kai- nkãy ke sroŋ, pe plaha koo kuɛ ye. N n gaha ra Tuhufua Yãhã tãy, waa saa ra yãã nantãŋ ye, koo kẽ.

Nsãn 16:10 ပူးပေါင်းရင်းမြစ်များ

Nsãn 16:28

N yi ra Tuhufua Yãhã tãy, ma pa driyɛ̃ wo. N nwo, yagaa tẽ ga yir driyɛ̃ wo, n dur ga ra Tuhufua Yãhã tãy.»

Nsãn 16:5

Yesu n maha yee: «Yagaa, n nwo tẽ ga tɛr ra Tuhufua Yãhã fla na, koo gii ke ra nɔ wãã. Yii waa gɛ sẽ -sẽ ra yey ma yee ma n gaha na ye.

Nsãn 3:14

Faale wo, tẽyãfũũ klo wo, Musa sẽ bii kayãrnwoho wra ta la kãi na, ma ke kuã yir ta? U Nawee Puee bya yai u ba kuã yir ta ke syi.

Nsãn 5:32

Yãhã ra wĩĩ pãã; n cã ke kaplãŋ ma cĩĩnde.

Nsãn 7:33

Yesu tuu yãã ke syi, u naa mpãy klaha, u n pe yar ma yee: «N ga faa kuee ye ne n ba yalaa dye, tẽ ba tɛr kii fla na ke ra nɔ wãã.

Yesu tẽnlɛhɛ tẽŋ 17:31

Ye sẽ yãã, ke per gaa yãŋ yaha, ma maha nawee nen waa yãŋ yi u ba driyɛ̃fa sãhã koo per na. Ke loo nde yar nawee- byɛ na, ma woo nawee nen nwo ta u n yir gbã wo, ma dur ba yrãŋ na gbaafa ye!»

Yesu tẽnlɛhɛ tẽŋ 2:32

U Yesu wii wĩĩ tẽ n pãã, Yãhã u ta u n yir gbã wo, ma dur ba yrãŋ na gbaafa ye, wo byɛ loo yãã yĩnde ne.

Yesu tẽnlɛhɛ tẽŋ 3:14

Woo wii tuu ba sroŋ, u kai- maha laha, ye u wãmiyaha wĩĩ sye, ma dur ma u Pilati ta, u n naboofua waa yi miy yaha.

Yesu tẽnlɛhɛ tẽŋ 7:52

Yãhã kaplãŋ tɔ̃rfua wii woo u kuee mii, pe sẽ u nuhu ye? Mpãy pe u kasroŋfua wãpa wĩĩ pãã, pe pe boo. Yagaa u kasroŋfua tuu pa, ye u wĩĩ sye ma sya ba u boo.

Wormefa 1:17

Ye sẽ yãã, le Yesu kapãyĩĩ wo yar, nawee wii syi u sroŋ Yãhã yĩnde na. Yãhã ke kai- nkãy pye nawee- kẽ, wii ma koo sya cĩĩnde, ma Yesu ya ta u Yatɛr u kãnkai- byɛ wo, woofua kẽ u sroŋ Yãhã yĩnde na. Loo ne le yrũhũ yaha Yãhã sabangbãŋ wo ma yee: «Wii ma Yesu ta u Yatɛr, u sroŋ Yãhã yĩnde na. Loo ga ta u n cĩĩnde yrã yãã, lii wãkuayãã wee le na ye.»

Kɔrntifa cir 1:30

Yãhã -sẽ ye ta ye n seefar le Yesu Crise ne, woo kẽ u laantor le nawee laam wo. Woo kãmay na wo sroŋ Yãhã yĩnde na, wo nii Yãhã wãm, wo maha wãsyayaha yãã.

Kɔrntifa saba syãŋ wuhu 5:21

Kapee laa sẽ pye Yesu Crise yĩŋ na ye. Yãhã -sẽ wo kapee- byɛ taha woo yĩŋ na, ma yee woo nen ya kãmay na, wo sroŋ ke yĩnde na.

Galasyifa 5:5

Wii poo na wo yee, waʼa Syayahafua Yesu ta wo Yatɛr, wo ga sroŋ Yãhã yĩnde na. Loo nde ne, too koho taha yaha le na. Yãhã Yrã -sẽ ma wo laam wo, le fãnga wãã wo kẽ loo nde wãsẽŋ na.

Timuti saba cir 3:16

Cĩĩnde ne, kai lii le wo ta wo n Yãhã ta wo Yatɛr, waa saha le war ye. Le yĩŋ wĩĩ gbaha, waa saha yee kangbãy sẽ ne ye. U tege ba wo ye nawee kadye ne. Yãhã Yrã le yar gbaa na u sroŋ. U u ya yi yar yãhãyĩŋ tẽnlɛhɛ na. Kapãyĩĩ lii le u wĩĩ pãã, driyɛ̃ kui byɛ le luhu. Driyɛ̃ kur byɛ wo, nawee- ter byɛ u ta pe Yatɛr. Yãhã u kuã yir ga ta niisayũhũ wo yãhãyĩŋ na.

Pyar saba cir 3:18

Ye sẽ yãã, u Crise gɛ le sya ma ku wo kapee- wĩĩ na. U poo gbã ku tɛhɛ nen ya, ma -sẽ wo kapee- kuã kãã wo yĩŋ na u kuãŋ ne. Woo wii tuu sroŋ, u le sya ma ku kapeepyefa wĩĩ na, ma yee pe waha wãã le Yãhã ne. Pe u kadye boo, Yãhã Yrã n u ta u n yir gbã wo, ma dur ba yrãŋ na gbaafa ye.