Nsãn 12:13 - Yãhã Naambiyãrfãn Saba

¹³ Pe n mpẽŋ wan gbe, ma yi ga Yesu wãã, ma nii nuhu di, ma nii le gble ma n yee: «Yĩŋfua mboo wii taa n pai Yãhã myaha ne, Yãhã ke kaa taha ma na, mboo wii taa ma Yiisrɛfa Yĩŋfua.»

Nsãn 12:13 ပူးပေါင်းရင်းမြစ်များ

Matɛhɛ 23:39

-Ye yãŋ, n ga ye yar: Ma gbe yagaa na, ye saa ra yãã yãã nantãŋ ye. Per gaa, n ga dur ba, ye n -sẽ ba naa n yee: ‹Mboo wii taa n pai Yĩŋfua Yãhã myaha na, ke kaa taha ma na.› »

Matɛhɛ 27:42

«U nawee- mpãy sya yaha, u sẽ -sẽ ga waha u yĩŋ yi yaha ye. Le ma pye u ma Yiisrɛfa Yĩŋfua cĩĩnde, u tege kãã yagaa le trã na kɛ! Wo yĩnde ma loo yãã, waa u wĩĩ sya cĩĩnde.

Nsãn 1:49

Loo na, Natanelu n u pye ma yee: «Yĩŋfua, Yãhã Dya kẽ ma ne, mboo maha ma Yiisrɛ kãntraha Yĩŋfua.»

Nsãn 12:14

Yesu n kãnkonyainge gaa yãã, ma dugu nii ke na ma n gaha, mii le bii cãã yrũhũ yaha Yãhã sabangbãŋ wo ma yee:

Nsãn 12:15

«Syɔ̃ klofa, ye ma n fya ye, ye yĩŋfua nwo u n pai, kãnkonyainge gaa na, tuu dugu nii.»

Nsãn 19:15

Pe n -sẽ nii n tẽ ma yee: «U boo, u boo, u kuey mar boo trã na!» Pilati n pe pye ma yee: «Ah ye yĩŋfua kẽ, ye -sẽ yee, n u kuey mar mii syi?» Pe Yãhã yũndefa yĩŋfa n yee, a yĩŋfua waa wee poo ye, mii u fãngafa byɛ yĩŋfua sẽ kẽ ye.

Kayar 15:3

Yaa gii u Yãhã tẽntẽ Musa naa ke le, tesẽ u Yãhã Mbapẽnge yaa ne, pe naa koo le ma yee: «Yĩŋfua Yãhã, mboo wii taa ma tãŋ kai- byɛ fãnga ne, nkãy taa pye ke gbaha, ma maha laam wɔ nawee- kẽ. Kãntrɛ byɛ nawee- Yĩŋfua, ma sroŋ kai- byɛ ne, ma maha ma cĩĩnde!

Kayar 19:16

Myaha gaa ba yrũhũ u nayroho na, u troho ne, ma yee: «Fãngafa byɛ Fãngafua, maha yĩŋfa byɛ Yĩŋfua.»

Kayar 7:9

Loo kur ye, ta n yee ndoo ga yãŋ, ma nabuar raa yãã, tii syi waa wee u ga waha te tɔ̃r ye. Kãntrɛ byɛ nawee- mpãy pye, nawee- ter byɛ mpãy pye, kui byɛ nawee- mpãy ne, yor ter byɛ nawee- mpãy ne. Pe ba yɛr ke niisayũhũ yaha ye, tesẽ u Yãhã Mbapẽnge yaha ye. Pe ba nayrefir le, mpẽŋ kayay ne pe koho wo.