Matɛhɛ 22:43 - Yãhã Naambiyãrfãn Saba

⁴³ Yesu n pe pye ma yee: «Le ma pye ke dyaŋ, Dawide -sẽ maha pye mii ma u yee Yĩŋfua? Ye sẽ yãã, Yãhã Yrã Fãnga pye Dawide na, ma bii u ta u n le pãã ma yee:

Matɛhɛ 22:43 ပူးပေါင်းရင်းမြစ်များ

Marɛkɛ 12:36

Yãhã Yrã Fãnga ke pye Dawide na, woo gɛ bii le pãã ma yee: ‹Yĩŋfua Yãhã ta Yĩŋfua pye ma yee: Pa tege nii ta kãndigi koho kuɛ ye kai- byɛ yĩŋ na, ta n sya ba ma napĩĩ- yĩy kor le ma kẽ, pe n nii mii ma tãnde fyãhã tã pe na.› »

Yesu tẽnlɛhɛ tẽŋ 1:16

ma pe pye: «Wo nna, yii mpãy tee Yesu ta ye Yatɛr, kai- ngĩĩ ke pye ngĩĩ, le sẽ pye wãkuãtɛr wĩĩ mii le sẽ pye ye. Yuda wii tuu sya nii tɛrfua Yesu napĩĩ- yaha ye, pe n ga u yigi, Yãhã Yrã bii u wĩĩ cãã yar wo faale wãdyaha Dawide na, u n le yrũhũ le yaha Yãhã sabangbãŋ wo.

Kɔrntifa cir 12:3

N n traha ye le cã laha ye yee, Yãhã Yrã Fãnga ma pye wii laam wo, u saha yoosẽn pãã Yĩŋfua Yesu kẽ ye. Tesẽ, wii ma yee Yesu ma Yĩŋfua, Yãhã Yrã Fãnga ma u laam wo, koo kẽ u n waha le pãã.

Yebɛrɛfa 3:7

Ye cã wo yai wo wii plãhã Yesu kãnde wo. Loo ne, Yãhã Yrã wo yar ma yee: «Ye ma Yãhã yɛ̃ kapãn luhu nanga, -ye le sya nuhu ne!

Pyar saba syãŋ wuhu 1:21

Ye sẽ yãã, koo kaplãŋ ngĩĩ, nawee waa laam wũhũ sẽ kẽ ye. Ke yi mpãy yɛ̃ wo, Yãhã Yrã pye pe ne, ma naa pe yar ke Yãhã kaplãŋ ne pe n naa ke tɔ̃r nawee- ye.

Kayar 1:10

Jimaasyi per gaa na, Yãhã Yrã Fãnga ba ra laam yĩĩ, ta n yĩmbungbãŋ gaa luhu ra kur kuɛ ye mii tũũtũũ dyaŋ.

Kayar 4:2

Le yalebya wo, Yãhã Yrã n ba ra laam yĩĩ. Ta n nangbãŋ niisayũhũ gaa yãã yãhãyĩŋ laam wo, Yãhã ba tege nii ke na.