Matɛhɛ 21:42 - Yãhã Naambiyãrfãn Saba

⁴² Loo kur ye, Yesu n pe pye ma yee: «N cã ye kapãn nde yãã kal Yãhã sabangbãŋ wo, kapãn lii le n yee: ‹Ntẽmblaha gii nwonfããfa pe ba sye yaha, koo ntẽmblaha kẽ, ke dur yĩŋ yãã ke nwoŋ wãfãã wo. Yãhã ke lii pye loo ne nde. Laanwɔ wĩĩ ne too n yãã yĩnde ne.› »

Matɛhɛ 21:42 ပူးပေါင်းရင်းမြစ်များ

Matɛhɛ 21:43

Yesu n pe yar taha ma yee: «Loo ne, n ga ye yar, Yãhã Yai ga ba sya kãã ye ye, ke wãã mpãy kẽ pe Yãhã laam wũhũ pye, ma yai ke wãyãã ne. [

Yesu tẽnlɛhɛ tẽŋ 4:11

Yesu wĩĩ ne, le pãã yaha Yãhã sabangbãŋ wo ma yee: ‹Ntẽmblaha gii pe nwonfããfa ba ke sye yaha, Yãhã ke gbe ma ke ta, ke n dur yĩŋ yãã ke nwonfãã na.›

Wormefa 9:33

Koo ntẽmblaha nge wĩĩ ne le bii cãã yrũhũ yaha Yãhã sabangbãŋ wo ma yee: «-Ye yãŋ, n ga ntẽmblaha gaa ta Yurusalɛm wo, nawee- n naa n kũn ke na; ntẽmbangbãŋ kẽ ke ne, ke ga nawee- ta pe n cɛr ter flɛ sĩĩ. Mpãy pe -sẽ koho taha yaha koo ntẽmbangbãŋ nge na, poo saa too yãã ye.»

Yefɛsyifa 2:20

Ye bya ma mii ntẽmbar rii dyaŋ pe fãã n yir ke nwongbãŋ nakũy na, ke nakũy lii pe Yesu tẽnlɛhɛ pe ta, poo ma suhu pe faale Yãhã kaplãŋ tɔ̃rfa ne. Ntẽmblaha gii ke -sẽ ma yĩŋ ke nwoŋ wãfãã wo, koo kẽ Yesu Crise ne.