Matɛhɛ 13:14 - Yãhã Naambiyãrfãn Saba

¹⁴ Faale Yãhã kaplãŋ tɔ̃rfua Yisa, tuu bii kai- nkãy cãã yrũhũ yaha pe wĩĩ na, koo kai- kẽ ke nii n pye loo yale wo. U bii yee, Yãhã yee: ‹Ye ga ba luhu naa n yɔ̃, ye sẽ -sẽ ga ba naa laa war ye. Ye ga ba yãŋ naa n yɔ̃, ye sẽ -sẽ ga ba naa ngaa yãã ye.

Matɛhɛ 13:14 ပူးပေါင်းရင်းမြစ်များ

Marɛkɛ 4:12

Ke syi, ‹pe n waha yãŋ naa n yɔ̃, ngaa sẽ -sẽ ga naa n yãã ye. Pe n waha luhu naa n yɔ̃, laa sẽ -sẽ ga naa n war ye. Mii loo sẽ ne ye, pe ga faha ba Yãhã kãnde yigi, ke n pe kapee- laha kãã pe na.› »

Luke 8:10

U n pe yɛ̃ wãã sya ma yee: «Kai- nkãy nawee sẽ ke cã yãã Yãhã Yai wĩĩ na ye, Yãhã ta yii ga waha ke war. Ma -sẽ yee mpãy na, pe sẽ ke yĩntaha wãwar kɛ ye, pe ga naa ke kai- luhu kakuãcraŋ ne. Ke syi, ‹pe n waha naa n yãŋ, ngaa sẽ -sẽ ga naa n yãã ye. Pe n waha naa n luhu, laa sẽ -sẽ ga naa n war ye.› »

Wormefa 10:16

Mpãy pe le Yesu kapãyĩĩ yãã luhu, pe laam wo mpãy -sẽ ma pe sẽ ke kaplãŋ sya cĩĩnde ye. Loo ne faale Yãhã kaplãŋ tɔ̃rfua Yiisa n bii yee: «Yĩŋfua Yãhã, nawee- busãã sẽ ma kaplãŋ sya cĩĩnde wo ye ye?»

Kɔrntifa saba syãŋ wuhu 3:14

Pe Yiisrɛfa bya pye mii fai paha tã pe kacãn na, pe sẽ waha Yãhã wũhũ war ye. Ma sya ba waa ke yagaa na, Yiisrɛfa ma nii ke faale Yãhã sabangbãŋ kaplãŋ kal, le ga nii mii fai paha tã pe kacãn na, pe saha naa ke kaplãŋ yĩntaha war ye. Mboo wii ma -sẽ wãã le u Yãhã Yĩndefua Crise ne, loo fai nde ga gbe kãã ma kacãn na, ma n waha naa ke Yãhã wũhũ war.