Luke 20:17 - Yãhã Naambiyãrfãn Saba

¹⁷ Yesu n pe yãŋ, ma pe pye ma yee: «Ye laam wo, kapãn nde yĩntaha kẽ lii ne, kapãn lii le yrũhũ ta Yãhã sabangbãŋ wo ma yee: ‹Ntẽmblaha gii nwonfããfa pe ba sye yaha, koo ntẽmblaha kẽ ke dur yĩŋ yãã ke nwoŋ wãfãã wo.› »

Luke 20:17 ပူးပေါင်းရင်းမြစ်များ

Matɛhɛ 21:42

Loo kur ye, Yesu n pe pye ma yee: «N cã ye kapãn nde yãã kal Yãhã sabangbãŋ wo, kapãn lii le n yee: ‹Ntẽmblaha gii nwonfããfa pe ba sye yaha, koo ntẽmblaha kẽ, ke dur yĩŋ yãã ke nwoŋ wãfãã wo. Yãhã ke lii pye loo ne nde. Laanwɔ wĩĩ ne too n yãã yĩnde ne.› »

Marɛkɛ 10:23

Yesu n u kãnyãrwai yãŋ klaha, ma pe pye ma yee: «Nangbãm wãdye wĩĩ Yãhã Yai wo, le war!»

Marɛkɛ 12:10

N cã ye kapãn nde yãã kal Yãhã sabangbãŋ wo, lii le n yee: ‹Ntẽmblaha gii nwonfããfa pe ba sye yaha, koo ntẽmblaha kẽ ke dur yĩŋ yãã ke nwoŋ wãfãã wo.

Marɛkɛ 3:5

Yesu n pe yãŋ ncafũhũ ne, u laam byɛ maha ba wlãhã, tuu yãã pe nawee- laam ba waha tɛr. U n u dya pye ma yee: «Ma koho dii wãã!» U n ke dii wãã, ke koho n dur yɔ̃ nii u ye.

Luke 19:41

Yesu tuu ba crã Yurusalɛm na ma yĩnde taha ke na, u n nii n wũn le klo wĩĩ na ma yee:

Luke 22:37

Ye sẽ yãã, ta n le pãã ye ye, kai laa ma Yãhã sabangbãŋ wo, le bii yrũhũ yaha ra wĩĩ na, le yai le pye. Loo kai ne nde: ‹Pe u tɔ̃r kapeepyefa ne wãcɛŋ.› Lii le bii yrũhũ yaha ra wĩĩ na, le ga pye yagaa.»

Luke 22:61

Yĩŋfua Yesu n wã klaha, ma Pyar yãŋ wãã. Loo na, Pyar laam n too Yĩŋfua kaplãŋ na, kaplãŋ nkãy tuu ba pãã u ye ma yee: «Ngupa cir saa ba kui wa ye, maa ba ra wĩĩ kai tɛhɛ tãã, ma yee mboo sẽ ra cã ye.»

Luke 24:44

U n pe pye ma yee: «Tẽ pye ye ne nantãŋ, n sẽ naa ye yar la ma yee, kai- nkãy byɛ ke bii cãã yrũhũ yaha ra wĩĩ na, koo ngĩĩ byɛ ga naa n pye ke sya ba kua? Koo kai- kẽ nkãy ne, wo faale wãdyaha Musa bii cãã yrũhũ yaha Yãhã kãnde kataŋ saba laam wo, tesẽ nkãy byɛ ne pe faale Yãhã kaplãŋ tɔ̃rfa bii cãã yrũhũ yaha, tesẽ nkãy ne ke bii cãã yrũhũ yaha Yãhã wãsey yay saba wo.»

Nsãn 15:25

Kai- ngĩĩ byɛ n pye, kapãn lii le bii cãã yrũhũ ta Yãhã sabangbãŋ wo, loo ne le n pye. Loo kapãn nde: ‹Ta wĩĩ fĩhĩ ka fũhũ pe ye ke dyaŋ, laa sẽ ne laa ne ye.›

Yesu tẽnlɛhɛ tẽŋ 4:11

Yesu wĩĩ ne, le pãã yaha Yãhã sabangbãŋ wo ma yee: ‹Ntẽmblaha gii pe nwonfããfa ba ke sye yaha, Yãhã ke gbe ma ke ta, ke n dur yĩŋ yãã ke nwonfãã na.›

Yefɛsyifa 2:20

Ye bya ma mii ntẽmbar rii dyaŋ pe fãã n yir ke nwongbãŋ nakũy na, ke nakũy lii pe Yesu tẽnlɛhɛ pe ta, poo ma suhu pe faale Yãhã kaplãŋ tɔ̃rfa ne. Ntẽmblaha gii ke -sẽ ma yĩŋ ke nwoŋ wãfãã wo, koo kẽ Yesu Crise ne.

Pyar saba cir 2:6

Yãhã sabangbãŋ wo, le ma le yrũhũ ta ma yee, Yãhã yee: «-Ye yãŋ, n nwo, tẽ cãã nwonfãã ntẽmbangbãŋ gaa yãŋ yi ta klo nde wo pe n yee Yurusalɛm. Koo ke ma ke nwoŋ yĩŋ. Ntẽmbar nde byɛ ga ba fãã tã taha koo na. Ke tɛr wãn byɛ yaha. Koo kẽ tẽ yãŋ yi. Wii ma koo ntẽmbangbãŋ nge wĩĩ sya cĩĩnde, fyar wĩĩ laa saa ufua dye yãã ye.»