Luke 2:38 - Yãhã Naambiyãrfãn Saba

³⁸ Yaliile Syimu tuu ba naa koo kaplãŋ ngĩĩ pãã Yesu wĩĩ na, Ana n ba dye Yesu seefa fla na, ma naa Yãhã sey. Loo kur ye, u n nii u kicar wĩĩ pãã nawee- mpãy ye pe naa Yurusalɛm wãsyayaha wĩĩ kɛ.

Luke 2:38 ပူးပေါင်းရင်းမြစ်များ

Marɛkɛ 15:43

Koo yainkɔŋ wo, Yosɛfe wii tuu n yi Yarimate wo, u n pa Pilati fla na, ma ba sɛr Yesu nakugu nar u ye. U Yosɛfe pye Yiifee- yahaseefua waa; pe naa u yãŋ. U laam wo, u bya naa Yãhã Yai wãpaŋ yɛhɛ.

Luke 1:68

«Wo Yĩŋfua wii u ma Yiisrɛfa Yãhã, ke myaha yai ke gboho nawee- byɛ yɛ̃ wo. Ke wo kuɛ yãŋ, ma wo sya yaha.

Luke 2:25

Le Yurusalɛm klo wo, naa waa pye pe naa n yee Syimu. U ba sroŋ, ma naa Yãhã kãnde yãr. U naa u Syayahafua wãpaŋ yɛhɛ, Syayahafua wii ruu n pai Yiisrɛfa yi kãã pe fɛn wo. Yãhã Yrã Fãnga pye u ne,

Luke 2:36

Cɔɔ waa pye Yãhã kaplãŋ tɔ̃rfua, pe naa n yee Ana. U pye Yasɛr nwoŋfua, Fayer pueesya ba kẽ u ne. U ba sroŋ lɛ, u ba dyɛ- gbeeresyar yãã wĩhĩ resyar ne. U cabir laam wo, u ba puai yãã, pe n dyɛ- kuasĩĩ pye pe ya ne, u puai n ku u yaha. U n kuee calangusya u kuãŋ ne. U sẽ naa n cɛr Yãhã kangbãŋ na ye, ma naa tẽn tẽ Yãhã kẽ ke yai ke yĩmper. Kaa na u ga yai plaŋ, ngaa saa le yɛ̃ wo ye, u naa Yãhã nar.

Luke 24:21

Wo laam wo, wo ba yee woo tuu n pai wo Yiisrɛfa byɛ sya yaha. Kai- ngĩĩ byɛ pye, ke plii tãã wuhu -sẽ kẽ nanga.

Kɔrntifa saba syãŋ wuhu 9:15

Yãhã miingbãŋ, ke naa n sey ke kayĩĩ wĩĩ na wo kẽ, ke kayĩĩ lii kacãn wee yãã le wãyɔ̃ŋ na le wãgboho ne ye.

Yefɛsyifa 1:3

-Too wo Yĩŋfua Yesu Crise Tuhufua Yãhã sey! Ke kaa taha wo na wo seefar na, wo seefar rii too le Yesu Crise ne, ma yãhãyĩŋ fla kayũhũ wũhũ byɛ le wo laam wo.