Kayar 15:3 - Yãhã Naambiyãrfãn Saba

³ Yaa gii u Yãhã tẽntẽ Musa naa ke le, tesẽ u Yãhã Mbapẽnge yaa ne, pe naa koo le ma yee: «Yĩŋfua Yãhã, mboo wii taa ma tãŋ kai- byɛ fãnga ne, nkãy taa pye ke gbaha, ma maha laam wɔ nawee- kẽ. Kãntrɛ byɛ nawee- Yĩŋfua, ma sroŋ kai- byɛ ne, ma maha ma cĩĩnde!

Kayar 15:3 ပူးပေါင်းရင်းမြစ်များ

Nsãn 1:17

Wo faale wãdyaha Musa bii ke Yãhã kãnde yar wo na. Ma sẽ yee ke laantãr wũhũ na, tesẽ ke cĩĩnde wũhũ ne, u Yãhã Yĩndefua Yesu Crise woo kẽ tuu pa koo ngĩĩ ne.

Timuti saba cir 1:17

Yĩŋfuangbãŋ wii u ma wãkuayãã wee u yĩnfar na ye, woo wii wãkuyãã wee u na ye, woo nwo nawee saa waha u yãã yĩnde ne ye, woo nen ya kẽ u ma cĩĩnde Yãhã, u miingbãŋ yai ke naa n yee yalebyɛ, u yai u naa n sey yalebyɛ, wãyɛryãã ma n pye le na ye. Amɛn, le nii ke syi.

Yebɛrɛfa 3:5

Musa woo na, Yãhã nna byɛ wo, Yãhã sẽ naa u taha laa wãpyeŋ na u n naa n faha le ne ye. U pye tẽntẽ Yãhã ye; lii le ga ba pye kur kuɛ ye, Yãhã bii u ta u n le cãã pãã yaha.

Kayar 1:8

Yĩŋfua Yãhã yee: «Ndoo kẽ ke Alefa tesẽ ke Womega ne, n pye kai- byɛ fegbesaha na, tesẽ ndoo kẽ n ga ba pye ke kai- byɛ kuasaha na.» Koo kẽ ke pye lɛ nii wa Yãhã, ma maha ma koo, ma maha ga nii yai tãŋ koo. Koo kẽ ke ma tãŋ kai- byɛ fãnga ne.

Kayar 11:17

«Wo syaha wãã ma kẽ Yĩŋfua Yãhã. Mboo kẽ taa ma tãŋ kai- byɛ fãnga ne. Ma ma Yãhã, ma pye lɛ nii wa Yãhã. Taa tẽn tẽ ma fãngangbãŋ ne, taa nii yĩnfar na, wo syaha wãã ma kẽ loo wĩĩ na.

Kayar 14:3

Pe nabuar naa yaanfãŋ le ke Yãhã nangbãŋ niisayũhũ yaha ye, te yrãŋ wãn wãy tesyar yaha ye, te nanlɛr ne. Waa sẽ pye u ga waha koo yaa cã mii pe nawee- nyerkuay flɛ sẽnsye syãm sẽ me ye, poo mpãy pe ba sya yaha kãntraha na.

Kayar 14:8

Yãhãyĩŋ tẽnlɛhɛ syãŋ wuhu waa ter n taha, ma nii n yee: «Le too, le kungbãy Babilɔn too, loo lii le kui byɛ nawee- ta pe n dye tyatyãhã wo, mii defĩĩ wɔfa dyaŋ wãwɔyai wee pe na ye.»

Kayar 17:14

Pe ga ba naan miy u Yãhã Mbapẽnge na, u Mbapẽnge -sẽ ga pe yia, woo wii u ma yĩŋfa byɛ Yĩŋfua, ma maha ma fãngafa byɛ Fãngafua. U Mbapẽnge ga ba yia pe na, woo, ma wãã le u nawee- ne. U nawee- mpãy pe naa n sroŋ u kãnde wo, pe n pe yãŋ yi, ma pe yee.»

Kayar 19:16

Myaha gaa ba yrũhũ u nayroho na, u troho ne, ma yee: «Fãngafa byɛ Fãngafua, maha yĩŋfa byɛ Yĩŋfua.»

Kayar 19:2

Ke kasãhã ma cĩĩnde, ma maha sroŋ. Ye sẽ yãã, le kungbãypihi lii le pye canaandile dyaŋ, ma naa nawee- klaha- le tyatyãhã ne, Yãhã le pẽn. Le bii Yãhã tẽntẽ- boo; koo kẽ Yãhã n le pẽn.»

Kayar 4:8

Too yãhãyĩŋ wãn wãy tesyar nde, te naney byɛ ma nkaasyir kãnkuay ne, te byɛ ma yĩmpɛ ne te teebɛhɛ byɛ wo, te laha kuɛ ye, tesẽ te nkur kuɛ bya ne. Yalebyɛ, ke yai ke yĩmper, te ma te n yee: «Wo Yĩŋfua Yãhã kai- laha, ma laha, ma laha. Koo kẽ ke ma tãŋ kai- byɛ fãnga ne, koo gii ke pye lɛ nii wa Yãhã, ma maha ma Yãhã, ma maha ga nii yai tãŋ koo.»