Kɔrntifa cir 11:5 - Yãhã Naambiyãrfãn Saba

⁵ Le ga waha pye cɔɔ kẽ tuu n pãã Yãhã ye ke yawãhã fla wo, laa na Yãhã ke kapãn laa le u laam wo, u n nii le tɔ̃r pe yawãhãfa ye. Woo ma pye u sẽ u yĩŋ tã tã ngaa ne ye, u u puai myaha klaha- ke syi ne. U ma wãcɛŋ cɔɔ wii ne u yĩŋ byɛ kur kãã.

Kɔrntifa cir 11:5 ပူးပေါင်းရင်းမြစ်များ

Luke 2:36

Cɔɔ waa pye Yãhã kaplãŋ tɔ̃rfua, pe naa n yee Ana. U pye Yasɛr nwoŋfua, Fayer pueesya ba kẽ u ne. U ba sroŋ lɛ, u ba dyɛ- gbeeresyar yãã wĩhĩ resyar ne. U cabir laam wo, u ba puai yãã, pe n dyɛ- kuasĩĩ pye pe ya ne, u puai n ku u yaha. U n kuee calangusya u kuãŋ ne. U sẽ naa n cɛr Yãhã kangbãŋ na ye, ma naa tẽn tẽ Yãhã kẽ ke yai ke yĩmper. Kaa na u ga yai plaŋ, ngaa saa le yɛ̃ wo ye, u naa Yãhã nar.

Yesu tẽnlɛhɛ tẽŋ 2:17

Yãhã yee: ‹Lii le ga ba yãã driyɛ̃ kuayale plii na, le nde: N ga ba ta Yrã tege cããŋ le nawee- laam wo. Ye pii tesẽ ye pueesyam ne, pe ga ba naa kaplãŋ tɔ̃r, nkãy tẽ ga ba naa n yar pe na. Ye naanfãm ga ba naa kai- yãã wãytãã wo, ye wãlɛ ga ba naa kai- yãã mluɛ̃ wo.

Yesu tẽnlɛhɛ tẽŋ 21:9

U pye pueesyam resyar ne, pe sẽ pye wa naam ye ye. Kaplãŋ nkãy Yãhã Yrã naa ke le u pueesyam laam wo, pe naa koo tɔ̃r nawee- ye.

Kɔrntifa cir 11:4

Yawãhã fla wo, naa ma nii n pãã Yãhã ye, laa na Yãhã ke kapãn laa le u laam wo, u n nii le tɔ̃r pe yawãhãfa ye, u ma -sẽ pye u u yĩŋ tã tã ngaa ne, u u Yĩŋfua Yesu myaha klaha- ke syi ne.

Kɔrntifa cir 11:6

Cɔɔ wii ma yee, u sẽ u yĩŋ tã n tã ngaa ne ye, u yai u yĩŋ kur kãã. U ma -sẽ cã ma yee, yĩŋ wãkur wĩĩ ma fyaryigi wĩĩ, u -sẽ ke tã naa n tã ngaa ne.

Kɔrntifa cir 14:34

ye ca yai pe yaha naa n le ye yawãr wo, pe sẽ yai kaplãŋ wãpãã ne koo fla na ye. Ye sẽ yãã, Yãhã sabangbãŋ wo, le ma le yrũhũ yaha ma yee, ca yai pe yĩy kor naa n le.