Ulandaan 9:7 - Uwumbɔr aagbaŋ

⁷ Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Ulandaan 9:7 ပူးပေါင်းရင်းမြစ်များ

Mpiin 12:19

Ba ŋa aa tuk mi ke u ye aaninkpan la, ki cha m yoor u ki di ŋa mpuu? Aapuu sɔ. Gaa u, ki di u nya kitiŋ kee ni.”

1 Bibɔrb 8:66

Winiin daal le Solomonn nan cha binib ngbaan kun. Bi mɔmɔk nan pak u, le ki kun, ki kpa mpopiin, Uwumbɔr aah nan di tinyoor ti mɔmɔk tii waatutunn David, ni waanib Israel yaab na pu.

Ulandaan 10:19

Njim tii si mpopiin le ndaan cha aa kpa nsuupiin, aa mu aan ŋmaa kan nimina kaa nya ŋimombil.

Ulandaan 11:8

Li dooni Uwumbɔr libiln limɔk aa jin na pu. Aa gee aa yunn dulnyaa wee ponn ni ba pu, li nyi ke aa ga nan yunn nkun ni ki jer kina. N‑yoonn mu choo na aabɔr mɔmɔk ye fam la.

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Ulandaan 7:14

Tiwan yaa laa ŋan tii si kan, li kpa mpopiin, le tibɔr yaa nan dan kan, teer ke Uwumbɔr le joo ni mpopiin ni tibɔr mu. Saan ŋmaa bee tiwan ni mu ga ki ŋa na.

Ulandaan 8:15

Kina pu na, m kii ke unibɔn li mɔɔni, ba pu? waamɔɔn mu u kpa waamɔfal ni na le ye ke u ji, ki nyu, ki li mɔɔni. Buyoonn u bi nyani waatotoŋ Uwumbɔr aah tii u limɔfal li dulnyaa wee ni na, le u ga ŋmaa ŋa kina.

Nkahm 6:20

Ni paa na, utotoor di tiwan ngbaan mɔmɔk tii Uwumbɔr, ni li ye ipiinkpaan yaan; ni ye chain aapiin ki ye utotoor yaan, ki kpee upihja ngbaan aabingbaal ni litaajal pu. Ni ye nkaal le ke ni li ye utotoor yaan. Nee aapuwɔb na, kina aanii ngbaan ga ŋmaa nyu ŋisubil aadaan.

Tibɔnyaan ti Mak ŋmee ti na 7:29

Le Yesu bui u, “Saah len mbamɔn pu na, nima le cha m nyan tiyayaar ngbaan saabo ni. Aa ga ŋmaa gir kun.”

Tibɔnyaan ti Luk ŋmee ti na 11:41

Di naah kpa tiwan ni na tii bigiim, ki di nibaa mu tii bi. Ni yaa ŋa kina kan, tijɔŋ tibaa aan ki li bi ni chee.

Jɔnn 4:50

Le Yesu bui u, “Li dii saasan. Aajapɔɔn kan limɔfal la.” Le uja ngbaan pak Yesu aah len pu na, ki labr kun.

Lituln 10:35

Ŋinibol mɔmɔk ponn ni, unii yaa bi, ki pak Uwumbɔr ki tun lituln li ŋan na kan, u piir Uwumbɔr aasui.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ruf Aagbaŋ 3:7

Boas aah nan jin ki nyun doo na, le usui piir. Le u buen lidikpukl libaa pu ki ti doon ke u geen. Ruf nan loon suuna, ki ti fiir waakekeln le ki doon gbaŋ u, utaa chee.