Ulandaan 9:18 - Uwumbɔr aagbaŋ

¹⁸ Nlan ŋan jer tijawan, le utunwanbirdaan ubaa ga ŋmaa bii tiwanyaan pam.

Ulandaan 9:18 ပူးပေါင်းရင်းမြစ်များ

2 Bibɔrb 21:2

Uwumbɔr aanib aah nan tur koo ŋitimbol ŋi ponn ni, aan u jenn nyan ŋaanib bi na aabimbiyɔyɔl na le Manase nan gaa, le ki tun Uwumbɔr titunwanbir.

Job Aagbaŋ 35:8

Aanibɔn ŋeen aatɔ le ji falaa saatunwanbir pu, le ki ki kani nterm saaŋann pu.

Ulandaan 10:1

Ŋisibikpol ga ŋmaa cha kpalba u gbii tulalee na nuŋ. Le kijɔrk siib kina ga ŋmaa bii nlan sakpem.

Ulandaan 10:10

Saachɔk yaa kaa ka, aa yii kaa luun ki kan, aa tun le ki ti bak. Aa yaa puen ŋa ilandak ki nin tun saatuln kan, ni ŋan sakpen.

Ulandaan 2:13

M nyi ke nlan ŋan jer kijɔrk, ke nwiihn aah ŋan jer mbɔmbɔɔn pu na la.

Ulandaan 7:12

le mu ga tii si nsisiinyaan ke ŋimombil aah ga tii si pu na. Nlan tii si lifuur la, nlanbaekoo aanyoor le na.

Ulandaan 7:19

Nlan aah ga ŋmaa tun lituln li na, bitinjoob kipiik aan ŋmaa tun kina.

Ulandaan 9:16

M len n‑yoonn mɔmɔk ke nlan ŋan jer mpɔɔn, le ubaa aa nyi ke ugiin mu kpa nlan. Ubaa aatafal aa bi waah len pu na ni.

2 Timoti 3:8

Janes ni Jamberes aah nan kpak Moses kinikpakpak na, bijab ngbaan mu kpak Uwumbɔr aabɔr kina la. Bi dak ilandak i kaa ŋan na, kaa tii Yesu naadii.

Josua 22:20

Ni teer Sera aajapɔɔn u bi nan yin u ke Akann na bɔr, u nan yii Uwumbɔr aamɔb le ki yoor tiwan ni ye Uwumbɔr yaan na, le Uwumbɔr nan daa Israel yaab mɔmɔk aatafal, naa nan ye Akann baanja le nan kpo titunwanbir ngbaan pu.”

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:5

Ai aajab nan san dii bi ki ti nyan baatiŋ aabisamɔb chee, ki ti saa ŋifakujoo ŋibaa chee; baah bi sunni ligongoln na, le bi ku bi ponn ni bijab bi ga pii piitaa ni biloob na. Israel yaab aataakpab nan yɔl, le ijawaan chuu bi.

1 Samuel 14:30

Ni ba ga li bi kinye din wee, timi aanib yaa ba jin tijikaar ti bi nyaŋ baadim ki gaa ti na. Dakl lik baah ba ga ku Filistia aanib bimɔk na.”