Ulandaan 9:15 - Uwumbɔr aagbaŋ

¹⁵ Ujagiin ubaa nan koo ki ponn ni, le ki mu nan tee kpa nlan sakpen ki gaa kitiŋ ngbaan lii. Tɔ, ubaa mu aa nan teer ujagiin ngbaan bɔr.

Ulandaan 9:15 ပူးပေါင်းရင်းမြစ်များ

Mpiin 40:23

Tɔ, uja u nan tun ndaan aatuln na aa nan ki dakl Josef aabɔr kpala, u nan suln waabɔr a.

2 Samuel 20:22

Le upii ngbaan siir buen kitiŋ ngbaan ni aanib chee, ki ti bui bi waalandak, le bi chuu gii Seba aayil, ki di mee laan Joab, ligoln pu. Joab nan pii kakaan, ki mɔk ke waajab di cha kitiŋ ngbaan, le bi gir kun. Le Joab mu gir buen Jerusalem ni, ubɔr chee.

Ŋiyataŋak 21:22

Butɔb aajab aaninkpel u kpa nlan na ga ŋmaa nyaŋ kitiŋ ki binib bi pɔɔ na kiir ki na, ki tur kaagon ŋi bi maa mann goln ki, ki kpa limakl ŋi pu na lii kitiŋ.

Ulandaan 2:16

Ubaa aa teer bilandam bɔr, le ubaa mu aa teer bijɔrb bɔr. N‑yoonn mu choo na, ubaa aan nan ki teer ti mɔmɔk bɔr. Bilandam, ni bijɔrb mɔmɔk ga kpo.

Ulandaan 4:13

Unii ga ŋmaa nya igiin ni ki ti kpaln waatiŋ aabɔr, bee u ga ŋmaa nya kiyondiik ni ki ti kal libɔrjal pu. Tɔ, waaninkpir ni kan, u kpaln ujɔr le kaan ki ŋun isur, unachipɔɔn u ye ugiin ki tee kpa nlan na soor u.

Ulandaan 7:19

Nlan aah ga ŋmaa tun lituln li na, bitinjoob kipiik aan ŋmaa tun kina.

Ulandaan 8:10

Mbamɔn, m kan bi sub bibiindam baakaakul ni, tɔ, taah nyan kicheek ni ki choo kun ni na le binib pak bi, kitiŋ ki ponn ni bi tun baatunwanbir na. Ni ye fam la.