Ulandaan 9:10 - Uwumbɔr aagbaŋ

¹⁰ Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Ulandaan 9:10 ပူးပေါင်းရင်းမြစ်များ

Mpiin 37:35

Le ujapɔtiib ni ubisatiib mɔmɔk nan dan bi nan sɔŋ usui, le u nan yii baasurm ki bui ke, “Hali, m ga di ti kpo, maan suln maabo ngbaan aakun bɔr.” Nima pu na, n‑yoonn mɔmɔk u nan wii Josef aakun aabɔr pu la.

1 Bibɔrb Aabɔr 22:19

Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

Nehemia 2:12

kaa bui unii ubaa Uwumbɔr aah bui mi ke m nan tun pu ki tii Jerusalem aatiŋ na. Le m nan fii kinyeek kibaa kitaasiik, ki ban njɔtiib siib kpee mbaa pu. Maah nan dik ubon u pu na baanja le nan ye kiwakork ki dii timi na.

Nehemia 4:2

U nan sil uŋeen aatɔtiib ni Samaria aajab aanimbiin ni ki len ke, “Juu yaab, bifalaadam bee, dak ke bi bi ŋani ba na? Bi ŋa nlandak ke bi ki gir maa kitiŋ ngbaan aa? Bi dak ke baah toor kitork ki na ga ŋmaa cha bi doo lituln ngbaan liwinbaal la aa? Bi ga ŋmaa di ŋilangbentanjal ŋi ber ki dɔ ki wun mmii na maa aa?”

Nehemia 4:6

Le ti bi maa ligoln ngbaan. Binib ngbaan aah nan gee lituln ngbaan sakpen pu na, naa nan yunn le ti maa fuu sisik ni.

Job Aagbaŋ 10:21

Libuul lee ni le m cha, kaan ki gir ni daalbaadaal; m cha kitiŋ ki bɔɔn timm na ni la,

Job Aagbaŋ 10:22

kitiŋ ki ye mbɔmbɔɔn, ni tijunjunn, ni nlanŋmal na ni, nima chee aawiihn mubaa ye mbɔmbɔɔn la.

Job Aagbaŋ 21:13

Bi bi nsuudoon ni le baamɔfal mɔmɔk ni, le ki nan kpo suuna, kaa jin falaa ubaa.

Ilahn 6:5

Ubaa aa teer aabɔr kitekpiitiŋ ni; ubaa aan ŋmaa pak si nima.

Ŋiyataŋak 3:28

Aa yaa ŋmaa ter aaŋeen aatɔ dandana kan, taa bui u ke u li kii fen aan aa fe ter u.

Ulandaan 11:3

Busub yaa gee bu lir lipepel li wɔb na kan, bu ga li dɔ bu aah lir nin chee na la. Ntaalangbam yaa ti gbiin nnyun kan, le utaal nu.

Ulandaan 11:6

Li bu saajikaabim kichakpiik ni, ni kijook mu. Saan ŋmaa bee ke ni mɔmɔk ga nan ŋa aan naan ŋa, kaan ki ŋmaa bee kichakpiik ni, ni kijook yaan ni ga ŋa jer niken na.

Aisaya 38:10

M nan dak ke n‑yoonn mu maapɔɔn moo fii na le m nan chaa kun kitekpiitiŋ ni, kaan fuu maamɔfal aadoon.

Jeremia 29:13

Ni ga ban mi, le ki ga kan mi, ba pu? ni ga di nisui mɔmɔk le ban mi.

Nkahm 13:30

Kaleb nan bui binib bi nan bi len Moses chee tibɔr ti kaa ŋan na ke bi ŋmin chii, le ki bui bi ke, “Cha ti buen ti tak kitiŋ ngbaan yaab ki gaa ki, ti kpa mpɔɔn ki ŋeer ti nyaŋ bi ki gaa kitiŋ ngbaan.”

Matiu 20:7

Le bi bui u, ‘Taa kan unii u ga tii timi lituln aan ti tun na.’ Le u bui bi, ‘Ni mu li cha maasaak ponn ni, ki ti tun man.’

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Jɔnn 4:34

Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Jɔnn 5:4

ba pu? nwiin nwiin le Uwumbɔr aatuun ubaa sunn ni ki nan koo nnyunbun ni, ki ti kur nnyun. Bundaln u yaa ti dan nan kur nnyun na kan, ubun u puen koo nnyun ni na kan, le u pɔɔk.]

Jɔnn 9:4

Ni ŋan ke ti tun Uwumbɔr u tun ni mi na aatuln nwiihn aah laa bi pu na; mbɔmbɔɔn choo, le ubaa aan ki ŋmaa tun.

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

1 Korenti 15:10

Le Uwumbɔr aah ter mi pu na, m bi ke maah bi pu dandana na. Waah ter mi pu na, waa ter mi yɔli. M tun lituln ki jer Yesu aakpambalb mɔmɔk. Ni mu aa ye min le tun lituln ngbaan. Uwumbɔr aaterm mu bi m chee na le cha m tun.

1 Korenti 16:10

Timoti yaa nan fuu ni ni chee kan, ni taa ŋaab ulan; ba pu? u mu tun Tidindaan aatuln ke maah tun pu na la.

1 Korenti 9:24

Ni nyi ke binib yaa kpak ki san litaasaln kan, bi mɔmɔk san; le unibaan u ji na, uma le kani ipiin. Kina pu na, ni mɔmɔk li san ke unii u ji na aah san pu na, aan ki kan ipiin ngbaan.

1 Korenti 9:26

Nima pu na, maa san ke unii u san kaa nyi budabu pu u san na. Maa gbaa ke unii u gbaa fam na;

Efesusi 5:16

Ni li tun Uwumbɔr aatuln n‑yoonn mɔmɔk, ki taa li ka fam; ba pu? titunwanbir wiir dandana wee la.

Kolosiya 3:23

Naah ŋani tiwan nimɔk na, ni cha nitafal li bi ni ni, ki tun lituln ke naah ba ga tun tii Tidindaan pu na, naa ye binib.

1 Samuel 10:7

Tiwan nee mɔmɔk yaa bi ŋani kan, ŋa Uwumbɔr aah mɔk si pu na mɔmɔk, uma le bi aa chee.