Ulandaan 9:1 - Uwumbɔr aagbaŋ

¹ M nan kal dakl pam le ni ti yunn, ki lik tiwan nimina, le ki ti kan ke Uwumbɔr le joo bilandam ni binib bi aabimbin ŋan na aabimbin mɔmɔk. Uma le joo baageehm ni baananaŋ mu. Ubaa aa nyi tiwan ni dɔ kiir u na.

Ulandaan 9:1 ပူးပေါင်းရင်းမြစ်များ

Job Aagbaŋ 12:10

Uwumbɔr le joo waawanaankaan aamɔfal; unibɔn mɔk aamɔfal bi uma le aapɔɔn ni.

Job Aagbaŋ 27:12

Aayii, maan mɔk si. Nimi nibaa kan kina; ba pu aan ni ki gbaa bɔfam ngbaan?

Job Aagbaŋ 5:8

M yaa ba ye sin kan, m ba ga fenn toŋ Uwumbɔr le ki di maabɔr tuk u.

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 119:109

M kii n‑yoonn mɔmɔk ke m di maamɔfal pa talmaa; maan suln saakaal.

Ilahn 31:5

M di mbaa ŋa aaŋaal ni la. Uwumbɔr, sin le ga gaa mi lii; aa ye Uwumbɔr u ŋani saah len pu na la.

Ilahn 73:3

Maah kan ke bibiindam aatuln mɔmɔk kpa tinyoor na, le m nan kpa bigaadam pu lipiipoln.

Ŋiyataŋak 16:3

Di saalandak mɔmɔk ŋa Uwumbɔr aaŋaal ni, le ki kan tinyoor saalandak ngbaan ni.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 10:14

Ujɔr aabɔr aa kpa ndoon. Ubaa aa nyi tiwan ni ki ga ŋa na. Le ubaa mu aan ŋmaa bui timi tiwan ni ga ŋa timi aakun aapuwɔb na.

Ulandaan 7:15

Maamɔfal ye mi fam la, le m mu tee kan tiwan mɔmɔk li ponn ni. Unibamɔnn ga ŋmaa kpo, le ubaa u ye utunwanbirdaan na ga li beenin chuun.

Ulandaan 7:25

Le m nan di maalandak mɔmɔk tii ichiin ni liwanbae; m nan puu ke m kan nlan ni ngarm ki tii mbaan mu m kpa na, ki bae mbiin aah ye kijɔrk ni ilatiir pu na.

Ulandaan 8:14

Tɔ, nimina aa kpa tataa. Lik tiwan ni ŋani dulnyaa ni na: binib bibaa aabimbin ŋan, le bi kani bibiindam aatafadaan; le bibiindam bibaa mu kani binib bi aabimbin ŋan na aapar. Le m bui ke ni ye fam la.

Ulandaan 8:16

N‑yoonn mumɔk m pɔɔni mbaa ke m ŋa nlan ki bae tiwan ni ŋani dulnyaa wee ni na, le m kan ke aa ga ŋmaa li dɔ waa kinyeek ni nwiin pu,

Ulandaan 8:7

Ti ponn ni ubaa aa nyi tiwan ni ga ŋa na, le ubaa mu aa bi ki ga tuk timi.

Ulandaan 9:6

Bi ni baageehm, ni baananaŋ, ni lineen kpaan kpo la. Baan ki ŋa tiwan ni ŋani dulnyaa wee ni na nibaa.

Aisaya 26:12

Uwumbɔr, aa ga tii timi nwankam; tiwan nimɔk ti kani na ye saaŋann la.

Jeremia 43:6

bi nan di bijab, ni bipiib, ni mbim, ni ubɔr aabisatiib mu buen. Bi nan yoor bijab aayidaan Nebusaradann aah nan cha binib bimɔk gaar Juda ni ki bi Gedalia aaŋaal ni na, ki di Baruk ni m mu kpee.

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.