Ulandaan 8:3 - Uwumbɔr aagbaŋ

³ Ubɔr ga ŋmaa ŋa waah ban pu na, kina pu na, taa nya upuwɔb, ki taa dii binib bi kpokl u pu na.

Ulandaan 8:3 ပူးပေါင်းရင်းမြစ်များ

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

Ŋiyataŋak 14:29

Aa yaa bi suuna kan, aa kpa nlan, tɔ, saaŋuul yaa fiir mala mala kan, aa mɔk binib saah ye ugbaan pu na la.

Ŋiyataŋak 24:21

Maabo, li san Uwumbɔr ijawaan ki pak u, ki li pak saabɔrkpaan. Taa dii binib bi yii baamɔi na aabɔr;

Ŋiyataŋak 30:31

ni iŋoob, ni ikooja aah chuun pu na, ni bibɔrb aah chuun binib ponn ni pu na.

Ulandaan 10:4

Saatindaan yaa gee aa pu liŋuul kan, taa kpaan bui ke saa ki ye waatutunn. Aa yaa sɔŋ aalan kan, taani sakpiin ga ŋmaa kan chapinn.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Daniel 5:19

Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.