Ulandaan 8:16 - Uwumbɔr aagbaŋ

¹⁶ N‑yoonn mumɔk m pɔɔni mbaa ke m ŋa nlan ki bae tiwan ni ŋani dulnyaa wee ni na, le m kan ke aa ga ŋmaa li dɔ waa kinyeek ni nwiin pu,

Ulandaan 8:16 ပူးပေါင်းရင်းမြစ်များ

Mpiin 31:40

N‑yoonn pam le nwiin nan gbaa mi, le tiwoor mu ŋun mi kinyeek, maa ŋmaa geeni.

Ilahn 127:2

Aa yaa fii kichakpiik ni mala ki nan gir ni kijoobɔŋ ke aa tun ki kan kan, ni ye fam la. Uwumbɔr aah gee binib bi na dɔ geen le u tii bi baah ban pu na.

Ulandaan 1:13

M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 1:14

M kan tiwan ni mɔmɔk ŋa dulnyaa wee ni na, le ki ban m bui si ke ni mɔmɔk ye fam la. Ni bi ke unii aah bi san dii libuln pu na la.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 2:23

N‑yoonn mumɔk aa bi limɔfal ni na, saatuln mɔmɔk joo ni limukl ni iyiween la. Hali kinyeek kan, saa ŋmaa doon ki fuur. Ni mɔmɔk ye fam la.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Ulandaan 5:12

Nibaakan, unii u tun na ga li kpa ki ji, nibaa mu kan, waan kan ki ji. Tɔ, u mu tee geeni kinyeek. Uwankpadaan ma kan, u kpa sakpen u ji, le kaa tee geeni kinyeek, ki dɔ dak ilandak.

Ulandaan 7:25

Le m nan di maalandak mɔmɔk tii ichiin ni liwanbae; m nan puu ke m kan nlan ni ngarm ki tii mbaan mu m kpa na, ki bae mbiin aah ye kijɔrk ni ilatiir pu na.

Ulandaan 8:7

Ti ponn ni ubaa aa nyi tiwan ni ga ŋa na, le ubaa mu aa bi ki ga tuk timi.

Ulandaan 8:9

Maah nan kal ki dakl lik tiwan ni ŋani dulnyaa, u ponn ni binib bibaa kpa mpɔɔn, biken mu ji falaa bi chee na ni, le m nan kan nimina mɔmɔk.