Ulandaan 8:12 - Uwumbɔr aagbaŋ

¹² Utunwanbirdaan ga ŋmaa bii libiil nfum nkub ki beenin chuun. Mbamɔn, m nyi baah len pu na ke, “Aa yaa kii Uwumbɔr aamɔb kan, aa ŋmar a,

Ulandaan 8:12 ပူးပေါင်းရင်းမြစ်များ

1 Bibɔrb 21:25

Ubaa aa nan ki neen titunwanbir aatuln Uwumbɔr chee ke Ahab na. Upuu Jesebel mu le nan pai u le u tun.

1 Bibɔrb Aabɔr 16:30

Kitiŋ kee mɔmɔk, li jii unimbiin ni. Kitiŋ si kaabuul ni chob, kaan ŋmaa foor daalbaadaal.

Job Aagbaŋ 35:15

Aa dak ke Uwumbɔr aa dar binib aatafal, ke utafal bi titunwanbir ni siib kina la.

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 115:13

U ga ŋa waanyoor ŋa binib bi mɔmɔk nyuŋni u na pu, binikpaam ni biwaatiib mɔmɔk pu.

Ilahn 128:2

Saatuln le ga tii si saah ban pu na; aa ga kan liwangol ki li kpa mpopiin.

Ilahn 37:11

binib bi sunn bibaa taab na le ga li yeh kitiŋ kee, ki ji tinyoor ni nsuudoon aamɔɔn.

Ilahn 96:9

Uwumbɔr u bi chain na yaa choo kan, gbaan unimbiin ni man; kitiŋ kee mɔmɔk li jii unimbiin ni.

Nnyam 1:20

Bimamaam ngbaan aah nan san Uwumbɔr ijawaan na, le u nan ŋa tinyoor ŋa bi pu ki cha bi ma mbim pam. Le Israel yaab too pɔr kpae ki kpa mpɔɔn.

Ŋiyataŋak 13:21

Tibɔbir dii titunwanbirdam nin chee mɔk bi cha na la, le binib bi aabimbin ŋan na aapar ye tiwan ni ŋan na.

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Ulandaan 3:14

M nyi ke tiwan ni mɔmɔk Uwumbɔr ŋani na aan li kpa ndoon. Saan ŋmaa di nibaa kpee ni pu, kan ŋmaa bar ni pu. Uwumbɔr ŋani kina ke binib li pak u la.

Ulandaan 5:16

Naa ŋan. Taah dan pu na, kina le ti ga gir buen. Ti tun, le ki pɔɔni tibaa ke ti chuu libuln. Tɔ, ba aan ti kani?

Ulandaan 5:7

Aa yaa daŋni tidaŋ pu na, ki tun tuyɔlyɔl pu na, ki len tibɔr sakpen pu na kan, aa li san Uwumbɔr.

Ulandaan 7:15

Maamɔfal ye mi fam la, le m mu tee kan tiwan mɔmɔk li ponn ni. Unibamɔnn ga ŋmaa kpo, le ubaa u ye utunwanbirdaan na ga li beenin chuun.

Ulandaan 7:18

Nyan aabaa nimina mɔmɔk ni. Aa yaa san Uwumbɔr kan, aa ga kan tinyoor.

Jeremia 44:10

Le ki nan saa din, naa kee sunn nibaa taab. Naa nyuŋni mi, le kaa joo ikaal i mɔmɔk m di tii nimi ni niyaajatiib na.

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

Ikaal 12:25

Ni yaa joo ikaal ngbaan mbamɔm kan, Uwumbɔr ga li kpa mpopiin ni pu, le ni ga li ŋan tii nimi, ni nimi aamaal.

Ikaal 12:28

Ni li joo ikaal imɔk m di tuk nimi na mbamɔm, le tiwan mɔmɔk ga li ŋan tii nimi, ni niyaabitiib, ki joo cha n‑yoonn mu kaa kpa ndoon na, ba pu? ni yaa ŋani tiwan ni ŋan na kan, Nidindaan Uwumbɔr ga li kpa mpopiin ni pu.

Ikaal 4:40

Ni li joo waakaal imɔk m di tuk nimi din wee na, le tiwan mɔmɔk ga li bi mbamɔm tii nimi, ni niyaabitiib. Nima kan, ni ga li bi kitiŋ ki Nidindaan Uwumbɔr ga di tii nimi na pu, ki li ye nimi yaan ki cha n‑yoonn mu kaa kpa ndoon na.”

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.