Ulandaan 7:8 - Uwumbɔr aagbaŋ

⁸ Tiwan mɔmɔk aadoon ŋan jer naapiin. Limɔr ŋan jer kigaak.

Ulandaan 7:8 ပူးပေါင်းရင်းမြစ်များ

Ŋiyataŋak 13:10

Kigaak joo ni kijaak baanja la. Aa yaa ban nsurm kan, ni soor.

Ŋiyataŋak 14:29

Aa yaa bi suuna kan, aa kpa nlan, tɔ, saaŋuul yaa fiir mala mala kan, aa mɔk binib saah ye ugbaan pu na la.

Ŋiyataŋak 15:18

Binib bi aasui fiir mala mala na joo ni kinikpakpak la, le limɔr ma joo ni nsuudoon.

Ŋiyataŋak 16:32

Aa yaa kpa limɔr kan, ni ŋan jer mpɔɔnsakpiin. Aa yaa ŋmaa chur aabaa tibɔr yoonn kan, ni ŋan jer ke aa nyaŋ ntim mu wiir na.

Ŋiyataŋak 28:25

Kukumɔŋ joo ni tibɔr baanja la. Aa yaa tii Uwumbɔr naadii kan, ni soor.

Ulandaan 7:1

Liyimbinyaan ŋan jer tulalee u nu mɔ na, le nwiin mundaal aa ga kpo na mu ŋan jer nwiin mundaal bi ma si na.

Tibɔnyaan ti Luk ŋmee ti na 16:25

“Le Abraham bui u, ‘Maabo, teer ke saah nan bi limɔfal ni na, aa nan bi ji saamɔɔn la. Lasarus mu nan bi ji falaa la. Dandana wee Lasarus aasui sɔŋ do chee na. Aa mu bi ji falaa la.

Tibɔnyaan ti Luk ŋmee ti na 21:19

Ni yaa ji limɔr falaa mɔmɔk ponn ni kan, ni ga kan limɔfal li kaa kpa ndoon na.”

Galantiya 5:22

Uwumbɔr Aafuur Nyaan le cha binib gee tɔb, ki kpa mpopiin, ni nsuudoon, ni limɔr, ni tibulchinn, ni mbimbinyaan, ni ibamɔn,

Efesusi 4:2

Ni li sunni nibaa taab man, ki li bi suuna, ki li kpa suklaa n‑yoonn mɔmɔk, ki li gee tɔb, ki li kpa limɔr tɔb pu.

Hiibru Yaab 10:36

Ni ban ni li kpa limɔr, aan ki ŋa Uwumbɔr aageehn, aan ki kan waah puu tipuur ti na.

Jemisi 5:11

Binib bi kpa limɔr falaa ponn ni ki ti saa naadoon na, bima le ti len ke bi kan Uwumbɔr aanyoor. Ni ŋun Job aah nan kpa limɔr falaa ponn ni pu na, ki kan Uwumbɔr aah nan ter u pu falaa ngbaan aapuwɔb na. Ni kan ke Uwumbɔr kpa linimbaasaln sakpen, ki san binib kinimbaak.

Jemisi 5:8

Ni mu li kpa limɔr man, ki pɔɔk nitaakpab; ba pu? buyoonn Tidindaan ga gir ni na peeni.

1 Piita 1:13

Nima pu na, ni li dak ilandak i ŋan na, ki li chur nibaa, ki li kpa limakl n‑yoonn mɔmɔk; ba pu? Yesu Kristo yaa nyan ubaa mpaan pu kan, u ga ŋa tinyoor ŋa ni pu la.