Ulandaan 7:2 - Uwumbɔr aagbaŋ

² Aa yaa buen lidichal li ponn ni bi wii ikpowiil na kan, ni soor ni ke aa buen li ponn ni binib bi ji njim na, ba pu? ni ŋan ke umɔfadaan mɔk li nyi ke nkun dɔ kiir ti mɔmɔk la.

Ulandaan 7:2 ပူးပေါင်းရင်းမြစ်များ

Ilahn 90:12

Mɔk timi, timi aamɔfal aafɔfɔk aah ye pu na, aan ti ŋa nlan.

Ulandaan 2:14

Bilandam waa baah cha nin chee na, le bijɔrb ma aa waa. Tɔ, m mu tee nyi ke ti mɔmɔk aadoon ye tiwan nibaa la.

Ulandaan 2:16

Ubaa aa teer bilandam bɔr, le ubaa mu aa teer bijɔrb bɔr. N‑yoonn mu choo na, ubaa aan nan ki teer ti mɔmɔk bɔr. Bilandam, ni bijɔrb mɔmɔk ga kpo.

Ulandaan 3:19

Naah ye pu na le ye ke unibɔn aadoon ni kiwakork aadoon ye mubaa la. Unibɔn ga kpo, le kiwakork mu ga kpo. Ni mɔmɔk ye tiwanfuurkaan baan la. Limɔfal aa kpa tataa unibɔn ni kiwakork mɔk chee, kina pu na, nibaa aa jer niken.

Ulandaan 3:20

Ni mɔmɔk cha libubaan ni la, nima le ye titan ni. Ni mɔmɔk nan kpaan nyan ni nima la, le ki ki ga kpaan gir nima chee.

Ulandaan 6:6

Tɔ, u mu tee kan nin chee u ga fuur na, ki jer uja u jin ŋibin ŋichur ŋilee ki mu aa jin limɔfal aamɔɔn na; ba pu? bi mɔmɔk cha libubaan ni la.

Ulandaan 9:2

Ni mɔmɔk ye tiwanbaan la. Ubimbinyaandaan ni ubiindaan aadoon ye tiwanbaan la, kina le ye ni ki tii uninyaan ni u kaa ŋan na mu. Binib bi dii Uwumbɔr aasan mbamɔm na, ni bi kaa dii kpala na, ni binib bi toor kitork tii Uwumbɔr na, ni bi kaa toor na mɔmɔk aadoon ye mubaa la. Ubimbinyaandaan aa soor utunwanbirdaan. Unii u puur tipuur na aa soor unii u kaa puur tipuur na.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Ulandaan 9:5

Mbamɔn, umɔfadaan mɔk nyi ke u ga nan kpo, le bitekpiib ma aa nyi nibaa. Baa ki kpa tipar tibaa; binib suln bibɔr kookoo a.

Aisaya 47:7

Aa nan dak ke aa ga li ye upiibɔr le n‑yoonn mɔmɔk, kaa di tibaa ŋa aasui ni, kaa dakl lik naah ga nan doo pu na.

Jeremia 16:8

“Taa koo lidichal li ponn ni binib bi ji njim na. Taa kal bi chee ke aa ji ki nyu nibaa.

Hagai 1:5

Naa waa tiwan ni bi ŋani nimi na aa?

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Nkahm 23:10

Israel yaab ngbaan wiir pam, le unii aan ŋmaa kahn bi. Uwumbɔr cha m kpo ke waanib aah ga kpo pu na. U cha m kpo nsuudoon ni, ke waaninyaam na.”

Matiu 5:4

Binib bi kpa mpombiin baatunwanbir pu na, Uwumbɔr aanyoor bi bi pu; u ga sɔŋ bisui.

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.

Ikaal 32:46

u nan bui ke, “Ni lik mbamɔm ki taa yii ikaal imɔk m di tuk nimi din wee na. Ni li joo i mɔk nimi aabim, nima kan, bi ga li joo Uwumbɔr aamɔkm ngbaan mbamɔm.

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.