Ulandaan 7:14 - Uwumbɔr aagbaŋ

¹⁴ Tiwan yaa laa ŋan tii si kan, li kpa mpopiin, le tibɔr yaa nan dan kan, teer ke Uwumbɔr le joo ni mpopiin ni tibɔr mu. Saan ŋmaa bee tiwan ni mu ga ki ŋa na.

Ulandaan 7:14 ပူးပေါင်းရင်းမြစ်များ

1 Bibɔrb 8:47

pel saanib aameel. Uwumbɔr, bi yaa bi kitiŋ ngbaan ni, ki yaa kpeln baabimbin ki mee si, ki kpiir baah ye titunwanbirdam, ni bibiindam sakpen pu na kan, ŋun baameel.

Job Aagbaŋ 2:10

Le Job gar u ke, “Aa si len bɔfam la. Uwumbɔr yaa tii ni timi tiwan ni ŋan na kan, ti gaal ni iŋaal ilee la. Ti ga ŋa kinye ki galn u buyoonn u tii timi tibɔbir na?” Job aah nan jin falaa sakpen tiwan nimɔk pu na, waa nan di tibaa tam Uwumbɔr.

Ilahn 119:71

Maatafadaan nan ŋan tii mi la, ba pu? mu cha m bae saakaal.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Ulandaan 10:14

Ujɔr aabɔr aa kpa ndoon. Ubaa aa nyi tiwan ni ki ga ŋa na. Le ubaa mu aan ŋmaa bui timi tiwan ni ga ŋa timi aakun aapuwɔb na.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Ulandaan 12:8

Ulandaan ngbaan bui ke, “Fam, fam, ni mɔmɔk ye fam la.”

Ulandaan 3:22

Le m bee nima chee ke taah ga ŋa pu aan ni li ŋan tii timi na, le ye ke ti li mɔɔni taah tun ki kan tiwan ni na pu. Taan ki ŋmaa ŋa nibaa kpee. Nsan mubaa aa bi ki ga ŋmaa cha ti bee tiwan ni ga ŋa, timi aakun aapuwɔb na.

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Ulandaan 5:17

Ti bi limɔfal lee ni, mbɔmbɔɔn ni mpombiin ni la, le ni muk timi, le timi aaŋuul fii, le ti buŋni.

Ulandaan 8:7

Ti ponn ni ubaa aa nyi tiwan ni ga ŋa na, le ubaa mu aa bi ki ga tuk timi.

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Jeremia 23:20

kaan ŋmin see waah ban pu na mɔmɔk ti ŋa. N‑yoonn choo le waanib ga nan bee nimina mɔmɔk chain.”

Inandalahn 3:38

Uma le ga len, le ni ŋan na, ni ni kaa ŋan na ga ŋa.

Maika 6:9

Ni ye nlan aawan le ke ti li san Uwumbɔr. U yin kitiŋ ngbaan ni aanib ke, “Li pel man, nimi bi kuun kitiŋ ngbaan ni na.

Matiu 9:13

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak la. Li cha ki ti bae tibɔr ngbaan aatataa. Maa dan ke m nan yin bininyaam. M dan ke m nan yin titunwanbirdam [ke bi nan kpeln baabimbin.”]

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Ikaal 26:11

Li dooni ki pak Aadindaan Uwumbɔr, waah tii si, ni saamaal tiwanyaan nimɔk na, ki cha aa ni Liifai yaab, ni biwɔwɔm bi bi ni chee na kpaan ji njim ngbaan, ki li mɔɔni.

Ikaal 28:47

Uwumbɔr le ŋani tinyoor ŋani ni pu tiwan mɔmɔk ni, le ni yii ke naan doon u, kaan li kpa mpopiin ki li mɔɔni u pu.

Ikaal 8:3

U nan cha ni chuun nkon, le u di tijikaar ti bi yin ti ke mana, aan nimi ni niyaajatiib aa nyi ti na kpiin nimi. U nan ŋa kina ke u mɔk nimi ke naa ye tijikaar baanja le ga ŋmaa tii unii limɔfal; limɔboln limɔk nyan ni Uwumbɔr aamɔb ni na le ga tii unii limɔfal.

Ikaal 8:5

Ni teer ke Nidindaan Uwumbɔr nan sur nimi ki daa nitafal, ke ubo aate aah sur u pu na.

Jemisi 5:13

Ni ponn ni ubaa yaa kpa falaa kan, u li mee Uwumbɔr. Ni ponn ni ubaa yaa kpa mpopiin kan, u li gaa ilahn ki pak Uwumbɔr.