Ulandaan 7:13 - Uwumbɔr aagbaŋ

¹³ Dakl lik Uwumbɔr aah tun pu na. Ubaa aan ŋmaa naar Uwumbɔr aah gɔr tiwan ni na.

Ulandaan 7:13 ပူးပေါင်းရင်းမြစ်များ

Job Aagbaŋ 11:10

Uwumbɔr yaa chuu si ki di si buen libɔjil kan, ŋma bi ki ga ŋmaa nyii u pu?

Job Aagbaŋ 12:14

Uwumbɔr yaa gbaa ber bil kan, ŋma ga ŋmaa maa, ŋma ga ŋmaa nyan unii u Uwumbɔr chuu u piin na lii?

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Job Aagbaŋ 37:14

Job, sil siib, ki pel; dakl lik lijinjiir aawan ni Uwumbɔr ŋani na.

Job Aagbaŋ 9:12

U yoor tiwan ni u ban na la, le ubaa aa ŋmaa chuu u; ubaa aan kaa ki baa u ke, “Aa ŋani ba?”

Ilahn 107:43

Cha binib bi kpa nlan na li dakl lik timina; Cha bi dakl lik Uwumbɔr aageehm mu bi n‑yoonn mɔmɔk na.

Ilahn 8:3

M yaa lik kitaapaak ki aa naan na, ni uŋmal, ni iŋmabi, i aa di kaan yaabuu ni na kan,

Ulandaan 1:15

Saan ŋmaa naar tiwan ni gɔr na. Saan ŋmaa kahn tiwan ni kaa bi na.

Ulandaan 3:11

U siin tiwan mɔmɔk aayoonn dee dee la. U cha ti kpa lineen ke ti li nyi n‑yoonn mu choo na aabɔr, le kaa tee tii timi nsan ke ti bee waah tun pu na aatataa mbamɔm.

Ulandaan 8:17

kaan ŋmaa bee Uwumbɔr aah ŋani tiwan ni na. Aa gee aa pɔɔn aabaa ba pu, saan bee ni daalbaadaal. Bilandam ga ŋmaa bui ke bi nyi, ki mu aa nyi.

Aisaya 14:27

Uwumbɔr Mpɔɔnsakpiindaan puu ke u ga ŋa nimina; u fii sil ke u daa binib aatafal, le ubaa aan ŋmaa kiir u ke u taa ŋa kina.

Aisaya 43:13

M ye Uwumbɔr la, ki ga li ye kina n‑yoonn mɔmɔk. Ubaa aan ŋmar maapɔɔn chee; ubaa aan ŋmaa kpeln maah ban m ŋa pu na.”

Aisaya 5:12

Nimi aajim ponn ni, ni gbaa tibar ni ichayakrtuun ki pee ŋiwul ki nyu ndaan, le kaa nyi Uwumbɔr aah ŋani pu na.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Tibɔnyaan ti Luk ŋmee ti na 12:26

Naah kaa ŋmaa ŋa tiwan ni kaa pɔɔ na, ba pu ni cha ilandak muk nimi ni gur na pu?

Rom Yaab 9:15

U nan bui Moses ke binib bi u ban u san bi kinimbaak na, u ga san bi kinimbaak la.

Rom Yaab 9:19

Nibaakan, aa ga baa mi, “Ni yaa ye kina kan, ba pu Uwumbɔr galn binib? Ŋma ga ŋmaa yii waageehn?”

Efesusi 1:11

Uwumbɔr aah ŋani tiwan mɔmɔk pu na, u ŋani waageehn, waah dak pu na la. Taah kpaan Kristo ni na, le Uwumbɔr ŋa timi waanib. N‑yaayoonn na, le u nan nyan timi ke ti li ye waanib.