Ulandaan 6:3 - Uwumbɔr aagbaŋ

³ Uja ga ŋmaa li kpa mbim nkub, ki yunn pam, tɔ, u gee u yunn dulnyaa ni ba pu, u yaa kaa jin waamɔɔn, kaa kan likpuul li nyuun na kan, ubo u kpo una aaponn ni ki nyan ni na soor u.

Ulandaan 6:3 ပူးပေါင်းရင်းမြစ်များ

Mpiin 33:5

Esɔ aah kan bipiib ni mbim na, le u baa ke, “Binib bee nyan ni la chee?” Le Jakob bui u ke, “Uwumbɔr aah ŋa tinyoor ŋa m pu ki tii mi bipiib ni mbim bi na le na.”

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

2 Bibɔrb 10:1

Ubɔr Ahab aayaabitiib imonko itaa ni kipiik le nan koo Samaria aatiŋ ni. Jehu nan ŋmee kigbaŋ le ki tun ti tii kitiŋ ngbaan aajojoob, ni kaanikpaam, ni Ahab aayaabitiib aah bi binib bi aaŋaal ni na. Kigbaŋ ngbaan nan len ke:

2 Bibɔrb 9:35

Tɔ, bijab bi nan nyan ke bi ti sub u na nan ti kan waayikpaŋ ni utaa ni uŋaal aakpab baanja la.

1 Bibɔrb Aabɔr 28:5

U cha m ma mbijabim pam, le bi mɔmɔk ponn ni u lee Solomonn ke u li joo Israel aatiŋ ki ye Uwumbɔr aanaan na.

2 Bibɔrb Aabɔr 11:21

Rehoboam aapuutiib nan ti kpaan kipiik ni biniin la, le u kpa puutiib waatiir mu imonko itaa. Ujapɔtiib nan ye moninko ni biniin la, le ubisatiib mu ye imonko itaa. Upuutiib mɔmɔk ponn ni u nan gee Maaka le jer bi mɔmɔk,

Esta 5:11

U nan puk kipupuk bi chee, waah kpa liwangol pu na, ni waah kpa japɔtiib sakpen pu na, ni ubɔr aah tii u tininkpir ti na, ni waah nyuun ki jer ubɔr aaninkpiib biken pu na.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Job Aagbaŋ 3:11

M yaa nan ba kpo nna aaponn ni, bee m kpo libuul li ni bi ma mi na kan, m ba gee.

Job Aagbaŋ 3:16

bee m ba ga li geeni ke libikpol li bi ma bil na.

Ilahn 58:8

Cha bi li bi ke naawor mam bi bunn ki kpaln kijɔŋjɔŋ na. Cha bi taa kan nwiin ke ubo u kpo una aaponn ni ki nyan ni na.

Ŋiyataŋak 17:6

Bijaninkpiib kpa biyaabitiib pu kipupuk ke bibilb aah kpa kipupuk bitetiib pu pu na la.

Ulandaan 4:3

Binib bi yaan ŋan sakpen na, le ye baah kaa kee ma bi na. Bima aah kaa kee kan dulnyaa wee ni aabeebee aatuln na, bi yaan soor.

Ulandaan 6:4

Ubo ngbaan aadam aa kpa tinyoor; u gir koo mbɔmbɔɔn ni la, le bi suln u bɔr.

Jeremia 22:19

Bi ga di ubon aakpuul aanyuŋ le di fuul u di buen ki ti di u mee Jerusalem aabisamɔi aapuwɔb.”

Jeremia 36:30

Min Uwumbɔr le bui sin Ubɔr Jehoyakim, ke aayaabil ubaa aan kal Ubɔr David aanaanjal pu. Bi ga di saawon mee, le nwiin gbaa ti nwiin pu, le limaln mu gbaa ti kinyeek.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Matiu 26:24

Min Unibɔn Aabo ga kpo ke naah ŋmee Uwumbɔr Aagbaŋ ponn ni ke m ga kpo pu na. Uja u ga kooh mi na ma kan, tibɔbir ga li bi u pu; bi yaa kaa ba ma u kan, ni ba soor ki tii u.”