Ulandaan 6:2 - Uwumbɔr aagbaŋ

² Uwumbɔr ga ŋmaa tii unii ubaa ŋimombil ni liyimbil, ni liwangol; mbamɔn, u ga ŋmaa tii u tiwan ni mɔmɔk u ban na, le kaan tee cha u ji tiwan ngbaan aamɔɔn. Unii uken le ga nan ji ni. Ni ye fam la, le kaa ŋan.

Ulandaan 6:2 ပူးပေါင်းရင်းမြစ်များ

1 Bibɔrb 3:13

M ga ki tii si saah kaa mee ban ni na: aa ga li kpa liwankpal, ni kipak, saamɔfal mɔmɔk ni, ki jer ubɔr mɔmɔk.

1 Bibɔrb Aabɔr 29:25

Uwumbɔr nan cha litimbol ngbaan mɔmɔk san Solomonn le ki cha u kan liyimbil ki jer ubɔr umɔk puen u ki joo Israel aatimbol na.

1 Bibɔrb Aabɔr 29:28

U nan por sakpen le ki nin kpo. U nan kpa liwangol, le waanib mɔmɔk pak u, le waah nan kpo na, ujapɔɔn Solomonn kal waajal pu.

2 Bibɔrb Aabɔr 1:11

Uwumbɔr nan gar Solomonn ke, “Aa lee tiwan ni ŋan na la. Aa yii, kaa mee ke m tii si liwangol, bee nkam, bee liyimbil, bee m ku saadim tii si, bee m tii si limɔfafɔfɔŋ, le ki tee ban nlan mu aa ga ŋmaa di joo maanib, bi pu m di si ŋa ubɔr na.

Ilahn 17:14

Gaa mi binib bi kpa baah ban pu na mɔmɔk dulnyaa wee ni na chee lii. Di saah di ntafadaan mu siin kiir bi na daa bitafal; cha ntafadaan ngbaan gur ki nan pii baabim aan muken mu le kii biyaabitiib.

Ilahn 39:6

li ye kijunjuŋ la. Waatuln mɔmɔk ye fam la; u ban liwangol bilni, kaa tee nyi u ga li yeh li na.

Ilahn 73:7

tibɔbir le nyani bisui ni, le baalandak ye mbiin aalandak ŋmeen la.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Ulandaan 5:13

Kiwanbiik sakpeŋ ki m kan dulnyaa wee ni na sɔ: binib bilni ŋimombil ki kii n‑yoonn mu bi ga nan ban ŋi na la,

Ulandaan 5:16

Naa ŋan. Taah dan pu na, kina le ti ga gir buen. Ti tun, le ki pɔɔni tibaa ke ti chuu libuln. Tɔ, ba aan ti kani?

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Ulandaan 5:19

Uwumbɔr yaa tii unii likpal ni liwangol ki cha u ji naamɔɔn kan, u li dooni u, ki ji waah tun ki kan pu na aamɔɔn. Ni ye Uwumbɔr aapiin la.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Hosea 7:9

kaa nyi ke biniyayam aaterm ngbaan gaal baapɔɔn la. Baawiin aa ki daa, le baa kpaan nyi.

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.

Ikaal 28:43

“Biwɔwɔm bi koo nimi aatiŋ ni na ga li kani tinyoor ki kpae idaa mɔmɔk, le nimi ma kan, nimi aapɔɔn ga li bar sii sii cha le ki ti doo.

Bibɔjirb 18:10

Ni yaa ti fuu nima chee kan, ni ga kan ke binib ngbaan aa dak nibaa pu. Ki ye kitisakpeŋ la; ki kpa unii aah ga ban tiwan ni mɔmɔk na. Uwumbɔr di ki tii nimi a.”