Ulandaan 5:8 - Uwumbɔr aagbaŋ

⁸ Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Ulandaan 5:8 ပူးပေါင်းရင်းမြစ်များ

2 Bibɔrb Aabɔr 26:10

U nan ki maa kina aadir timoor ni, le ki gbii inyunbun pam. Waah nan kpa tiwakor sakpen liwilir wɔb aajoo ŋi bi ŋijoosakpiin taab na ni pu na, le nan cha u ŋa kina. Waah nan gee tikpaar pu na, le u nan pɔɔk waanib aataakpab ke bi ŋum ndaan aasubil aasui ŋigongon aatim ni, ki ko tisar ntim mu nyuun na ni.

Job Aagbaŋ 24:23

Uwumbɔr ga ŋmaa tii u ŋŋmarm, le ki tee lik u n‑yoonn mɔmɔk.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 55:9

Uwumbɔr, cha maadim aalan ŋmal aan bi taa ŋmaa len. M waa tijar, ni kifuuk, kitiŋ ngbaan ni;

Ilahn 82:1

Uwumbɔr le ye paacham aaninkpiib aakuun ni aayidaan; bitinjoob aakuun ni, u tii bi waalandak ke,

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Ilahn 95:3

ba pu? Uwumbɔr ye Mpɔɔnsakpiindaan la, ubɔr mpɔɔnsakpiindaan u joo dindatiib mɔmɔk na.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Ŋiyataŋak 24:12

Nibaakan aa ga bui ke naa ye saabɔr, le Uwumbɔr ma nyi ki lik saabimbin. U lik saabimbin, ki nyi ni mɔmɔk. Le u ga pa si saatuln aah ŋeer pu na.

Ŋiyataŋak 8:17

M gee binib bi gee mi na; unii umɔk ban mi na ga kan mi.

Ulandaan 3:16

Tiwan ni ki kpee na le ye ke m kan ke ibamɔn ni lituln li ŋan na aa ba ga li bi nin chee dulnyaa wee ni na, mbiin le bi nima.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Ulandaan 5:9

Baah chee tijikaar ti na pu le ubɔr bi.

Ulandaan 7:7

Unii u kpa nlan na yaa jin unii pem pem kan, u ŋani ke ujɔr na la. Aa yaa gaa igaŋgaŋlik kan, aa bii saabimbin le na.

Ulandaan 8:9

Maah nan kal ki dakl lik tiwan ni ŋani dulnyaa, u ponn ni binib bibaa kpa mpɔɔn, biken mu ji falaa bi chee na ni, le m nan kan nimina mɔmɔk.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 3:15

Naa ŋan ke ni muen maanib ki ji bigiim ke baah ye bigiim na. Min, Nidindaan Uwumbɔr Mpɔɔnsakpiindaan le len kina.”

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 5:7

Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Esekiel 18:18

Tɔ, ute ma nan ji pem pem ki su kinaayuk, ki tun titunwanbir n‑yoonn mɔmɔk. Kina pu na, uma ubaa aah tun titunwanbir ti na pu le u kpo.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Amos 6:12

Itaan san ŋitakpasakpiin pu uu? Bijab joo inaaja ko nima aa? Le nimi tee di ibamɔn kpaln njinn, ki di mbamɔn kpaln inyamɔn.

Maika 2:9

Ni jenn nyani maanib aapuutiib ŋidichal ŋi ponn ni bi gee na, le ki gaa baabim chee maanyoor.

Sekaria 8:6

“Nimina ga li pɔɔ litimbol ngbaan aanib bi gur nima chee na chee, le mma chee kan, naa pɔɔ.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Tibɔnyaan ti Luk ŋmee ti na 1:32

U ga li ye uninyuun la. Bi ga yin u Uwumbɔr u kaa kpa ŋeen aatɔ na Aajapɔɔn. Tidindaan Uwumbɔr ga tii u uyaaja Ubɔr David aanaan.

Tibɔnyaan ti Luk ŋmee ti na 1:35

Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Tibɔnyaan ti Luk ŋmee ti na 1:76

Si, maabo, bi ga yin si ke Uwumbɔr u kaa kpa ŋeen aatɔ na aabɔnabr. Aa ga loln ni Tidindaan pu nsan, ki toor nsan tii u,

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Rom Yaab 11:33

Uwumbɔr kpa nlan ni mbaem sakpen. Ubaa aan ŋmaa bee waah kpa sakpen pu na. Waah siin pu na, ubaa aan ŋmaa bee ŋitaa ŋi pu u siin kina na. Ubaa aan ŋmaa bee waah ŋani pu na.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

1 Piita 4:12

Njɔtiib bi m gee bi na, ni ji falaa u wu sakpen na la. Ni taa dak ke ni ye tiwachann la. Uwumbɔr cha ni ji falaa ke u lik nimi aabimbin aah bi pu na la. Ni taa cha ni gar nimi.

1 Jɔnn 3:13

Nnaabitiib, dulnyaa aanib yaa nan nimi kan, taa cha ni gar nimi man.