Ulandaan 5:18 - Uwumbɔr aagbaŋ

¹⁸ Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Ulandaan 5:18 ပူးပေါင်းရင်းမြစ်များ

Ilahn 42:8

Uwumbɔr tii mi waageehm mu bi n‑yoonn mɔmɔk na nwiin pu, aan m nan li kpa limeel aalahn kinyeek ki gaa mee Uwumbɔr u tii mi limɔfal na.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 2:10

M nan kani tiwan nimɔk m ban na. M nan ji mmɔɔn maah gee pu na la. M nan mak maah tun ki kan tiwan ni mɔmɔk na pu. Nimina mɔmɔk nan ye maapar la.

Ulandaan 2:24

Tiwan ni ŋan ke unibɔn ŋa na le ye ke u ji, ki nyu, ki li mɔɔni waah tun ki kan pu na pu. Le m ki kan ke nimina mu nyan ni Uwumbɔr chee la.

Ulandaan 2:3

Maah nan neen ke m kan nlan sakpen pu na, le m nan piin ki nyu ndaan ke nsui li piin. M nan dak ke kina le unii ga ŋmaa ji waamɔfageŋ kimina kitiŋ kee pu.

Ulandaan 3:22

Le m bee nima chee ke taah ga ŋa pu aan ni li ŋan tii timi na, le ye ke ti li mɔɔni taah tun ki kan tiwan ni na pu. Taan ki ŋmaa ŋa nibaa kpee. Nsan mubaa aa bi ki ga ŋmaa cha ti bee tiwan ni ga ŋa, timi aakun aapuwɔb na.

Ulandaan 6:2

Uwumbɔr ga ŋmaa tii unii ubaa ŋimombil ni liyimbil, ni liwangol; mbamɔn, u ga ŋmaa tii u tiwan ni mɔmɔk u ban na, le kaan tee cha u ji tiwan ngbaan aamɔɔn. Unii uken le ga nan ji ni. Ni ye fam la, le kaa ŋan.

Ulandaan 8:15

Kina pu na, m kii ke unibɔn li mɔɔni, ba pu? waamɔɔn mu u kpa waamɔfal ni na le ye ke u ji, ki nyu, ki li mɔɔni. Buyoonn u bi nyani waatotoŋ Uwumbɔr aah tii u limɔfal li dulnyaa wee ni na, le u ga ŋmaa ŋa kina.

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Jeremia 52:34

Waah nan bi limɔfal ni n‑yoonn mumɔk na, bi nan luu u iwiin mɔmɔk aajikaar le ki ti saa waakundaal.

1 Korenti 16:16

Nnaabitiib, m gaŋ nimi, ni dii binib bimɔk bi kina na, ni binib bimɔk kpaan ti chee ki tun Uwumbɔr aatuln linimaln na aasan.

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 26:11

Li dooni ki pak Aadindaan Uwumbɔr, waah tii si, ni saamaal tiwanyaan nimɔk na, ki cha aa ni Liifai yaab, ni biwɔwɔm bi bi ni chee na kpaan ji njim ngbaan, ki li mɔɔni.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.