Ulandaan 5:11 - Uwumbɔr aagbaŋ

¹¹ Liwangol li aa moo kani li na, kina le aa kpa binib pam ke aa kpiin. Tinyoor ti aa kpa na le ye ke aa nyi ke aa kpa liwangol.

Ulandaan 5:11 ပူးပေါင်းရင်းမြစ်များ

Mpiin 12:16

Sarai pu na, ubɔr ngbaan nan ŋa Abram tiŋann pam, le ki tii u ipiih, ni iŋoob, ni inaa, ni ibon, ni binaagbiib, ni laakumii tiib.

Mpiin 13:2

Abram nan kpa liwangol pam: u nan kpa ipiih, ni iŋoob, ni inaa, ki kpee ŋimombil pam.

Ŋiyataŋak 23:5

Saamombil ga ŋmaa fii ke ŋaah kpa ifeen ke likaagiil na la, ki cha si.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 2:9

Mbamɔn, m nan ye unikpaan la. M nan ŋa unikpaan ki jer unii umɔk nan puen mi ki koo Jerusalem ni na. Maalan aa nan jinn mi inimɔɔn daalbaadaal.

Ulandaan 5:12

Nibaakan, unii u tun na ga li kpa ki ji, nibaa mu kan, waan kan ki ji. Tɔ, u mu tee geeni kinyeek. Uwankpadaan ma kan, u kpa sakpen u ji, le kaa tee geeni kinyeek, ki dɔ dak ilandak.

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Habakuk 2:13

Uwumbɔr Mpɔɔnsakpiindaan le nan siin ke binib ngbaan aatotoŋ li ye idɔ i ga tuur mmii na, ki mɔk ke ŋitimbol nan tun nimina mɔmɔk fam.

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.