Ulandaan 5:10 - Uwumbɔr aagbaŋ

¹⁰ Aa yaa gee ŋimombil kan, saan bab ŋi daalbaadaal. Aa yaa ban ke aa li kpa kan, saan ŋmaa kan saah ban pu na mɔmɔk. Ni ye fam la.

Ulandaan 5:10 ပူးပေါင်းရင်းမြစ်များ

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Ilahn 52:7

“Lik, uja u kaa nan di Uwumbɔr yin nibaa na sɔ, u nan lik waawangol pu la, ki dak ke mbiin le ga tii u lifuur ki gaa u lii.”

Ilahn 62:10

Taa tii mbimbinpɔɔl naadii; taa li mak ke nnaayupɔɔn ga tii si tinyoor tibaa; hali saawangol yaa moo kpae kan, taa li ka nyiibaa li pu.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 1:8

Tiwan mɔmɔk joo cha tibakr ti unii aan ŋmaa len na ni la. Tinimbil aan ŋmaa kan ki ti bab; le titafal mu aan ŋun tiwan pu ki ti bab.

Ulandaan 2:10

M nan kani tiwan nimɔk m ban na. M nan ji mmɔɔn maah gee pu na la. M nan mak maah tun ki kan tiwan ni mɔmɔk na pu. Nimina mɔmɔk nan ye maapar la.

Ulandaan 2:11

Le m nan kal ki dakl lik maah tun pu na mɔmɔk, ni maah di kitotoŋ ki tun kina na, le ki kan ke ni mɔmɔk nan ye fam la. Ni nan bi ke saah bi san dii libuln le na, naa kpa tinyoor kpala.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Ulandaan 3:19

Naah ye pu na le ye ke unibɔn aadoon ni kiwakork aadoon ye mubaa la. Unibɔn ga kpo, le kiwakork mu ga kpo. Ni mɔmɔk ye tiwanfuurkaan baan la. Limɔfal aa kpa tataa unibɔn ni kiwakork mɔk chee, kina pu na, nibaa aa jer niken.

Ulandaan 4:16

Ubɔr aah joo binib bi na gee bi li wiir ba pu, u yaa nan kpo kan, ubaa aan teer ki pak u waah nan tun pu na pu. Ni ye fam la. Ni bi ke unii aah san dii libuln pu na la.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Ulandaan 5:9

Baah chee tijikaar ti na pu le ubɔr bi.

Ulandaan 6:7

Unii tun waatuln mɔk ke u kan nibaa ki ji la, le ki mu aan ŋmaa kan bab.

Matiu 6:19

“Ni taa kuun liwankpal bil dulnyaa wee ni. Idundur ni ŋipulaaleen ga bii ni. Binaayukb mu ga loon koo ni ki nan sun ni.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.