Ulandaan 5:1 - Uwumbɔr aagbaŋ

¹ Li nyi saah chaa Uwumbɔr Aadichal ni pu na. Aa yaa buen nima ke aa ti bae kan, ni ŋan ki jer bijɔrb bi kaa ŋmaa ganni tiwan ni ŋan na, ni ni kaa ŋan na ponn ni aah chaa ke bi ti toor kitork pu na.

Ulandaan 5:1 ပူးပေါင်းရင်းမြစ်များ

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

Job Aagbaŋ 22:12

Uwumbɔr bi paachapaacham le ki gbuuni lik iŋmabi i bi paacham na.

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Nnyam 3:5

Le Uwumbɔr bui u ke, “Taa fuu ni mmii ngbaan chee. Chuu takl saanaatak ngbaan; saah si nin chee na ye kitiŋ ki bi chain na la.

Nnyam 30:18

“Di tikumann aakur ŋa lisambil aan li li kpa lipɔtaln, ki li ye tikumann aakur ŋmeen, ki di li siin Libool ni kitork aabimbiln aakaasisik ni, ki ban nnyun ŋa li ponn ni.

Ŋiyataŋak 10:19

Aa yaa gbaa tibɔr sakpen kan, saa pɔɔ titunwanbir aakoom ni. Aa yaa kpa nlan kan, li ŋmin suuna.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Lituln 10:33

Waah tuk mi kina na, libuul ngbaan ni le m tun binib bi ti yin si. Saah dan pu na, ni ŋan. Dandana wee, ti mɔmɔk bi do, Uwumbɔr aanimbiin ni. Ti ban ti ŋun tibɔr ti Tidindaan tuk si ke aa tuk timi na.”

Lituln 17:11

Le binib bi bi nima na pel Pɔɔl aah len pu na. Binib ngbaan ye binib ki jer Tesalonika aatiŋ ni yaab. Le binimbil man Pɔɔl aah len pu na pu. Idaa mɔmɔk bi nan kpar Uwumbɔr Aagbaŋ ponn ni, ki karni ke bi lik ke ti gbii aan taa gbii.

1 Korenti 11:22

Naan ŋmaa ji ki nyu nimi aadichal ni ii? Ni lik Uwumbɔr aanib fam ki jinn bigiim inimɔɔn la aa? M ga len kinye? M ga pak nimi nimina pu uu? Maan pak nimi.

Hiibru Yaab 10:26

Tɔ, unii yaa gaa Uwumbɔr aabɔr ki nyi waah ban pu na, ki yaa ki yii ki tun titunwanbir kigaak pu kan, kitork kibaa aa ki bi ki ga cha Uwumbɔr di cha pinn u.

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;

Josua 5:15

Le Uwumbɔr aajab aaninkpel ngbaan bui u ke, “Chuu takr saanaatak; saah si nin chee na ye chain la.” Le Josua ŋa waah len pu na.