Ulandaan 4:8 - Uwumbɔr aagbaŋ

⁸ Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Ulandaan 4:8 ပူးပေါင်းရင်းမြစ်များ

Mpiin 2:18

Tidindaan Uwumbɔr nan ki bui ke, “Naa ŋan ke uja li bi ubaa. M ga naan uŋeer u ga li ter u na ki tii u.”

Ilahn 39:6

li ye kijunjuŋ la. Waatuln mɔmɔk ye fam la; u ban liwangol bilni, kaa tee nyi u ga li yeh li na.

Ilahn 39:7

Uwumbɔr, ni ki ye ba aan m ga mak ni pu? M mak sin pu la.

Ŋiyataŋak 27:20

Unibɔn aageehn naahn kitekpiitiŋ ni la, mpaan bi n‑yoonn mɔmɔk le ki ban bitekpiib biken.

Ulandaan 1:13

M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 1:8

Tiwan mɔmɔk joo cha tibakr ti unii aan ŋmaa len na ni la. Tinimbil aan ŋmaa kan ki ti bab; le titafal mu aan ŋun tiwan pu ki ti bab.

Ulandaan 2:21

Aa ga di saalan, ni saachiin, ni saanyim mɔmɔk tun kan tiwan, le ni nan kpaln unii u aatotoŋ aa nan nyan ni pu na aawan. Ni ye fam la, le kaa ŋan kina.

Ulandaan 2:23

N‑yoonn mumɔk aa bi limɔfal ni na, saatuln mɔmɔk joo ni limukl ni iyiween la. Hali kinyeek kan, saa ŋmaa doon ki fuur. Ni mɔmɔk ye fam la.

Ulandaan 4:7

M ki kan tiwan nibaa dulnyaa wee ni, le ni mu ye fam.

Ulandaan 5:10

Aa yaa gee ŋimombil kan, saan bab ŋi daalbaadaal. Aa yaa ban ke aa li kpa kan, saan ŋmaa kan saah ban pu na mɔmɔk. Ni ye fam la.

Ulandaan 5:9

Baah chee tijikaar ti na pu le ubɔr bi.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.