Ulandaan 4:4 - Uwumbɔr aagbaŋ

⁴ M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Ulandaan 4:4 ပူးပေါင်းရင်းမြစ်များ

Mpiin 26:14

U nan kpa ipiih, ni iŋoob, ni inaa, ni binaagbiib sakpen, le Filistia yaab nan kpa u pu lipiipoln.

Mpiin 31:1

Le Jakob ŋun ke Labann aajapɔtiib bui ke, “Jakob gaa tite aawan mɔmɔk a. Waah kpa tiwan nimɔk na nyan ni tite yaan ponn ni la.”

Ŋiyataŋak 27:4

Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Ulandaan 1:14

M kan tiwan ni mɔmɔk ŋa dulnyaa wee ni na, le ki ban m bui si ke ni mɔmɔk ye fam la. Ni bi ke unii aah bi san dii libuln pu na la.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 2:21

Aa ga di saalan, ni saachiin, ni saanyim mɔmɔk tun kan tiwan, le ni nan kpaln unii u aatotoŋ aa nan nyan ni pu na aawan. Ni ye fam la, le kaa ŋan kina.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Ulandaan 4:16

Ubɔr aah joo binib bi na gee bi li wiir ba pu, u yaa nan kpo kan, ubaa aan teer ki pak u waah nan tun pu na pu. Ni ye fam la. Ni bi ke unii aah san dii libuln pu na la.

Ulandaan 6:11

N‑yoonn mumɔk aa bi kpak na, le ni moo ŋani si yɔli, kaa ter si.

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Matiu 27:18

Pailat nan bee ke bi kpa lipiipoln Yesu pu, nima le cha bi di u ŋa uŋaal ni.

Lituln 7:9

“Le Jakob aajapɔtiib nan kpa lipiipoln binaal Josef pu, ki di u kooh binib pu, u li ye unaagbiija kitiŋ kibaa ponn ni, bi yin ki ke Ijipt. Le Uwumbɔr mu nan bi u chee,

Jemisi 4:5

Uwumbɔr Aagbaŋ len ke, “Unii yaa joo waawiin dooni tiwan ki cha Uwumbɔr kan, Uwumbɔr kpa lipiipoln sakpen a.” Ni dak ke ni len kina fam la aa?

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.