Ulandaan 4:16 - Uwumbɔr aagbaŋ

¹⁶ Ubɔr aah joo binib bi na gee bi li wiir ba pu, u yaa nan kpo kan, ubaa aan teer ki pak u waah nan tun pu na pu. Ni ye fam la. Ni bi ke unii aah san dii libuln pu na la.

Ulandaan 4:16 ပူးပေါင်းရင်းမြစ်များ

2 Samuel 19:9

Kitiŋ ngbaan mɔmɔk pu, bi nan bi jaa biŋmeen la. Bi nan bui tɔb ke, “Ubɔr David le gaa timi lii, timi aadim chee. U nan gaa timi Filistia yaab chee lii, le dandana wee u san cha kitiŋ kee, Absalom pu.

1 Bibɔrb 1:40

Le bi mɔmɔk dii ni u, ki gir ni, ki tar mpopiin pu, ki pii kulufeeŋ tiib, ki kpa kifuuk ki cha kitiŋ deŋni na.

Ulandaan 1:14

M kan tiwan ni mɔmɔk ŋa dulnyaa wee ni na, le ki ban m bui si ke ni mɔmɔk ye fam la. Ni bi ke unii aah bi san dii libuln pu na la.

Ulandaan 2:11

Le m nan kal ki dakl lik maah tun pu na mɔmɔk, ni maah di kitotoŋ ki tun kina na, le ki kan ke ni mɔmɔk nan ye fam la. Ni nan bi ke saah bi san dii libuln le na, naa kpa tinyoor kpala.

Ulandaan 2:17

Kina pu na, limɔfal aa nan kpa tinyoor tibaa m chee, ba pu? limɔfal lee aawan mɔmɔk joo ni mi tibɔr ŋmeen la. Ni mɔmɔk ye fam la; m nan bi san dii libuln la.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Ulandaan 4:15

M nan kal dakl binib bi mɔmɔk bi dulnyaa wee ni na aabɔr, le ki kan ke bi ponn ni nibaa chee unachipɔɔn bi ki ga ji nnaan.