Ulandaan 3:20 - Uwumbɔr aagbaŋ

²⁰ Ni mɔmɔk cha libubaan ni la, nima le ye titan ni. Ni mɔmɔk nan kpaan nyan ni nima la, le ki ki ga kpaan gir nima chee.

Ulandaan 3:20 ပူးပေါင်းရင်းမြစ်များ

Mpiin 25:17

Ismael nan saa ŋibin nkub ni piitaa ni ŋilole le ki nin kpo.

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Job Aagbaŋ 14:10

Le unibɔn ma kpo kan, waadoon le na; u kee kpo kan, u ki bi la?

Job Aagbaŋ 14:14

Unibɔn yaa kpo kan, u ga ki ŋmaa gir ni limɔfal ni ii? Le m ma ga kiir n‑yoonn mu ŋan na; m ga kiir aan tibɔr aayoonn mue ti jer doo.

Job Aagbaŋ 17:13

Kitekpiitiŋ le gur ye maamakl, nima chee le m ga doon ki geen mbɔmbɔɔn ni.

Job Aagbaŋ 30:24

Ba ŋa aa tak unii u kuln kookoo ki mee ban kinimbaak baanja na?

Job Aagbaŋ 34:15

unii u mɔmɔk kpa limɔfal na ba ga kpo le ki ki gir kpaln titan.

Job Aagbaŋ 7:9

Ntaalangbam aah yaani ki door pu na, kina le unibɔn kpoi kaa ki gir ni; le binib bi mɔmɔk nan nyi u na suln ubɔr.

Ilahn 103:14

U nyi taah nyan ni tiwan ni ponn ni na; u teer ke ti ye titan la.

Ilahn 104:29

Aa yaa fenn siir kan, le ijawaan chuu ni; aa yaa chuu naafuurk kan, le ni kpo, ki gir kpaln titan ti ponn ni ni nyan ni na.

Ilahn 49:14

bi ga nan kpo ke ipiih na la, nkun le ga nan li ye u kpaa bi na. Binib bi aabimbin ŋan na ga laa bi, buyoonn biwon bi bur kitekpiitiŋ ki daa bido na ni.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Ulandaan 3:21

Ubaa aan ŋmaa bee ke unibɔn aawiin le chaa paacham le kiwakork yaan chaa taab.

Ulandaan 6:6

Tɔ, u mu tee kan nin chee u ga fuur na, ki jer uja u jin ŋibin ŋichur ŋilee ki mu aa jin limɔfal aamɔɔn na; ba pu? bi mɔmɔk cha libubaan ni la.

Ulandaan 7:2

Aa yaa buen lidichal li ponn ni bi wii ikpowiil na kan, ni soor ni ke aa buen li ponn ni binib bi ji njim na, ba pu? ni ŋan ke umɔfadaan mɔk li nyi ke nkun dɔ kiir ti mɔmɔk la.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Nkahm 27:13

Aa yaa kan ki doo kan, nee aapuwɔb aa ga kpo ke aakpel Aaronn aah nan kpo pu na;