Ulandaan 3:19 - Uwumbɔr aagbaŋ

¹⁹ Naah ye pu na le ye ke unibɔn aadoon ni kiwakork aadoon ye mubaa la. Unibɔn ga kpo, le kiwakork mu ga kpo. Ni mɔmɔk ye tiwanfuurkaan baan la. Limɔfal aa kpa tataa unibɔn ni kiwakork mɔk chee, kina pu na, nibaa aa jer niken.

Ulandaan 3:19 ပူးပေါင်းရင်းမြစ်များ

2 Samuel 14:14

Ti mɔmɔk ga kpo, ti naahn nnyun mu kpir kitiŋ, aan baan ki ŋmaa faa mu na la. Hali Uwumbɔr ubaa aa cha binib bi kpo na ki gir ni limɔfal ni, le ubɔr ma tee ga ŋmaa kan nsan ki cha unii u san kikusɔŋ na gir ni.

Ilahn 104:29

Aa yaa fenn siir kan, le ijawaan chuu ni; aa yaa chuu naafuurk kan, le ni kpo, ki gir kpaln titan ti ponn ni ni nyan ni na.

Ilahn 49:12

Unii aawangol aan ŋmaa nyan u nkun ni; u ga nan kpo ke kiwakork na la.

Ilahn 49:13

Lik man tiwan ni ŋani binib bi tii bibaa naadii na, lik man binib bi bui ke bi bab liwangol na aadoon,

Ilahn 49:20

Unii aawangol aan ŋmaa nyan u nkun ni, u ga nan kpo ke kiwakork na la.

Ulandaan 1:14

M kan tiwan ni mɔmɔk ŋa dulnyaa wee ni na, le ki ban m bui si ke ni mɔmɔk ye fam la. Ni bi ke unii aah bi san dii libuln pu na la.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 2:14

Bilandam waa baah cha nin chee na, le bijɔrb ma aa waa. Tɔ, m mu tee nyi ke ti mɔmɔk aadoon ye tiwan nibaa la.

Ulandaan 2:16

Ubaa aa teer bilandam bɔr, le ubaa mu aa teer bijɔrb bɔr. N‑yoonn mu choo na, ubaa aan nan ki teer ti mɔmɔk bɔr. Bilandam, ni bijɔrb mɔmɔk ga kpo.

Ulandaan 7:2

Aa yaa buen lidichal li ponn ni bi wii ikpowiil na kan, ni soor ni ke aa buen li ponn ni binib bi ji njim na, ba pu? ni ŋan ke umɔfadaan mɔk li nyi ke nkun dɔ kiir ti mɔmɔk la.

Ulandaan 9:12

Ubaa aa nyi buyoonn nkun ga pii u na. Nkun bub chur unii ke gaawɔb, bee kipɔɔk aah chur inyoon pu aan yaa nyi na la.

Ulandaan 9:2

Ni mɔmɔk ye tiwanbaan la. Ubimbinyaandaan ni ubiindaan aadoon ye tiwanbaan la, kina le ye ni ki tii uninyaan ni u kaa ŋan na mu. Binib bi dii Uwumbɔr aasan mbamɔm na, ni bi kaa dii kpala na, ni binib bi toor kitork tii Uwumbɔr na, ni bi kaa toor na mɔmɔk aadoon ye mubaa la. Ubimbinyaandaan aa soor utunwanbirdaan. Unii u puur tipuur na aa soor unii u kaa puur tipuur na.

Nkahm 16:29

Bijab bee yaa kpo bibaa aakun, kaa ye ke Uwumbɔr le daa bitafal kan, kina kan, Uwumbɔr aa tun ni mi.