Ulandaan 3:14 - Uwumbɔr aagbaŋ

¹⁴ M nyi ke tiwan ni mɔmɔk Uwumbɔr ŋani na aan li kpa ndoon. Saan ŋmaa di nibaa kpee ni pu, kan ŋmaa bar ni pu. Uwumbɔr ŋani kina ke binib li pak u la.

Ulandaan 3:14 ပူးပေါင်းရင်းမြစ်များ

2 Samuel 22:31

Uwumbɔr ma aabimbin ŋan ti nyaŋ, le aa ga ŋmaa li kpa waamɔbon pu limakl. U naahn kijaak aapeln le ki tii binib bimɔk ban waaterm na.

Ilahn 33:11

Le uma aalandak bi n‑yoonn mɔmɔk; waalandak aa kpa ndoon.

Ilahn 64:9

Bi mɔmɔk ga san ijawaan; bi ga li dak Uwumbɔr aah tun pu na le ki tuk binib waabimbin aah bi pu na.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ŋiyataŋak 19:21

Binib ga ŋmaa kpokl baah gee pu na mɔmɔk; Uwumbɔr aageehn mu le ga ŋa.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Ŋiyataŋak 30:6

Aa yaa bui ke u len tibɔr tibaa aan waa len ti kan, u ga daa aatafal ki mɔk si ke aa ye unyamɔndaan la.”

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Ulandaan 5:6

Taa cha aabaa aamɔboln di si koon titunwanbir ni, ki taa bui Uwumbɔr aatotoor ke aa ba ŋani yaansara la. Ba ŋa aa ban Uwumbɔr aaŋuul fii aa pu ki bii tiwan ni aa di aaŋaal ŋa na?

Ulandaan 5:7

Aa yaa daŋni tidaŋ pu na, ki tun tuyɔlyɔl pu na, ki len tibɔr sakpen pu na kan, aa li san Uwumbɔr.

Ulandaan 7:18

Nyan aabaa nimina mɔmɔk ni. Aa yaa san Uwumbɔr kan, aa ga kan tinyoor.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Daniel 8:8

Le uŋoja ngbaan moo pɔɔk ki mak pam, le buyoonn waapɔɔn ti ban mu nyaŋ na, le waayiin ngbaan chuu koo. Mu aah koo na, le iyiin inaa i fɔk ki gbei na nyan mu aabuul ni. I mɔmɔk nan lik yaapepel ibaabaa la.

Lituln 2:23

Uwumbɔr aageehn pu le bi nan di Yesu ŋa niŋaal ni. Uwumbɔr nan nyi ke bi ga ŋa kina. Le ni di u ŋa mbiindam aaŋaal ni ke bi ti kpaa u ndɔpuinkoo pu, ki ku u. Nima pu na, nimi le ku u.

Lituln 4:28

Bi nan kuun bi ti ŋa saah nan len ke bi ga ŋa pu na. Saapɔɔn, ni saageehn pu, le aa nan siin ke bi ga ŋa kina.

Lituln 5:39

Ni yaa ye Uwumbɔr aatuln kan, naan ŋmaa nyaŋ bi. Ni yaa jan bi kijaak kan, ni li nyi man, nibaakan, ni ga kan ke ni jan Uwumbɔr le kijaak.” Bi nan kii Gamaliel aah len pu na.

Rom Yaab 11:36

Tiwan nimɔk bi na, ni nyan ni u chee la. U cha tiwan mɔmɔk beenin bi. Tiwan mɔmɔk bi, ke ni pak u. Uma le yeh mpakm n‑yoonn mu kaa kpa ndoon na. Amii.

Efesusi 3:11

N‑yaayoonn na le u nan len ke u ga ŋa kina Tidindaan Yesu Kristo pu.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”