Ulandaan 3:11 - Uwumbɔr aagbaŋ

¹¹ U siin tiwan mɔmɔk aayoonn dee dee la. U cha ti kpa lineen ke ti li nyi n‑yoonn mu choo na aabɔr, le kaa tee tii timi nsan ke ti bee waah tun pu na aatataa mbamɔm.

Ulandaan 3:11 ပူးပေါင်းရင်းမြစ်များ

Mpiin 1:31

Le Uwumbɔr nan lik ki kan ke waah ŋa tiwan nimɔk na ŋan pam. Le ni ki joor, ki ki woln kichakpiik ni. Winloob daal le na.

Job Aagbaŋ 11:7

Aa ga ŋmaa mɔk Uwumbɔr aapɔɔnsakpiin aanaanmɔk aa?

Job Aagbaŋ 37:23

Uwumbɔr aapɔɔn nyaŋ sakpen, le taan ŋmaa duun ni u; u kpa mbimbinyaan ki bi chob unibɔn chee.

Job Aagbaŋ 5:9

Taan ŋmaa bee waah ŋani tiwankpaan ni na aatataa, le waajinjiir aawan aa kpa ndoon.

Ilahn 104:24

Uwumbɔr, aa naan tiwan sakpen a. Aa di nlansakpem le naan ni mɔmɔk, saawanfuurkaan le gbii kitiŋ pu.

Ŋiyataŋak 16:4

Uwumbɔr aah ŋa tiwan ni mɔmɔk na kpa naah ga ti doo pu na, hali bibiindam aatafadaan aawiin daal bi la.

Ulandaan 1:13

M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 11:5

Uwumbɔr le naan tiwan mɔmɔk, le saan ki ŋmaa bee waah tun pu na, ke saah kaan ŋmaa bee ubo aah naani upudaan aapuul ponn ni pu na.

Ulandaan 7:13

Dakl lik Uwumbɔr aah tun pu na. Ubaa aan ŋmaa naar Uwumbɔr aah gɔr tiwan ni na.

Ulandaan 7:23

M di maalan le tɔŋ nimina mɔmɔk. M nan puu ke m ban m kan nlan la, le kina nan jer mi.

Ulandaan 7:29

Maah nan bae pu na mɔmɔk sɔ: Uwumbɔr ŋa timi ke ti li bi mbimbin mu kaa pɔɔ na, le ti ŋa tibaa tiwan ni pɔɔ na.

Ulandaan 8:17

kaan ŋmaa bee Uwumbɔr aah ŋani tiwan ni na. Aa gee aa pɔɔn aabaa ba pu, saan bee ni daalbaadaal. Bilandam ga ŋmaa bui ke bi nyi, ki mu aa nyi.

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Tibɔnyaan ti Mak ŋmee ti na 7:37

Ni nan gar binib ki ti nyaŋ, le bi len ke, “Waah ŋani nimɔk na, ni ŋan. U cha bitafakpaab ŋun, ki cha bibirb mu len.”

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 11:33

Uwumbɔr kpa nlan ni mbaem sakpen. Ubaa aan ŋmaa bee waah kpa sakpen pu na. Waah siin pu na, ubaa aan ŋmaa bee ŋitaa ŋi pu u siin kina na. Ubaa aan ŋmaa bee waah ŋani pu na.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.