Ulandaan 2:4 - Uwumbɔr aagbaŋ

⁴ M nan ŋa tiwankpaan pam. M nan maa ŋidichal ki ŋum ndaan aasubil aasui.

Ulandaan 2:4 ပူးပေါင်းရင်းမြစ်များ

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

2 Samuel 18:18

Absalom aah nan laa bi limɔfal ni na, u nan maa tiwan nibaa siin ubaa pu, kifataŋ ki bi yin ki ke Ubɔr aafataŋ na ni; ba pu? waa nan kpa ubijabo u ga cha waayimbil taa kpo na. Kina pu na, u nan di ubaa aayimbil le yin tiwan ngbaan, ki nyan n‑yoonn ngbaan ki nan saa din wee, bi beenin yin ni ke Absalom Aateerm Aawan la.

1 Bibɔrb 15:19

“Cha ti li ye maantɔtiib ke titetiib aah nan bi pu na. Tikunabr timina ni salmaa wee ye ipiin le m joo tii si. Kina pu na, yii Israel yaab Aabɔr Baasa aamaantɔl ki cha u nyan waajab maapepel ni.”

1 Bibɔrb 9:1

Ubɔr Solomonn aah nan maa Uwumbɔr Aadichal, ni nnaan aadichal, ni tiwan ni mɔmɔk waalandak nan ban ke u ŋa na doo na aapuwɔb,

2 Bibɔrb Aabɔr 26:10

U nan ki maa kina aadir timoor ni, le ki gbii inyunbun pam. Waah nan kpa tiwakor sakpen liwilir wɔb aajoo ŋi bi ŋijoosakpiin taab na ni pu na, le nan cha u ŋa kina. Waah nan gee tikpaar pu na, le u nan pɔɔk waanib aataakpab ke bi ŋum ndaan aasubil aasui ŋigongon aatim ni, ki ko tisar ntim mu nyuun na ni.

2 Bibɔrb Aabɔr 8:11

Solomonn nan nyan upuu, u aate nan ye Ijipt aatiŋ aabɔr na, David Aatiŋ ni, ki di u koon waah maa lidichal li tii u na ponn ni. U nan bui ke, “Waan koo Israel yaab Aabɔr David aabɔrdichal ni, ba pu? Uwumbɔr Aakaal Aadakaa aah koo kitiŋ kimɔk ponn ni na ye chain la.”

Ilahn 49:11

Baakaakul ga li ye bido ki ti saa n‑yoonn mu kaa kpa ndoon na; nima chee le bi ga li bi n‑yoonn mɔmɔk, bi mu nan tee kpa bibaa aatim n‑yoonn mubaa.

Solomonn Aalahn 1:14

Mbɔɔn nu mɔ ke timoor ni aasupuun mu poor ki bi Enn Gedi aasubil aasar ni na la.

Solomonn Aalahn 7:12

Ti ga fii lichakpitaawoln le ki lik ŋisubil aasui ke i piin bukpenn pu aan yaa kee piin, ki lik ke nsupuun mu ŋeen na bi poor aan mu aa kee bi poor, ki lik ke ŋisubil ŋiken aasui na mu faa mpuun aan yaa kee faa. Nima chee le m ga ti di maageehm tii si.

Aisaya 5:1

Le pel man nlahn mu m ban m gaa na. Mu ye njɔ ubaa ni waasaak aalahn la. Udichadaan ubaa le nan bi le ki naan kisaak lijool li aatiŋ ŋan na pu.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”