Ulandaan 2:3 - Uwumbɔr aagbaŋ

³ Maah nan neen ke m kan nlan sakpen pu na, le m nan piin ki nyu ndaan ke nsui li piin. M nan dak ke kina le unii ga ŋmaa ji waamɔfageŋ kimina kitiŋ kee pu.

Ulandaan 2:3 ပူးပေါင်းရင်းမြစ်များ

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

Job Aagbaŋ 14:14

Unibɔn yaa kpo kan, u ga ki ŋmaa gir ni limɔfal ni ii? Le m ma ga kiir n‑yoonn mu ŋan na; m ga kiir aan tibɔr aayoonn mue ti jer doo.

Ilahn 104:15

ki cha u kani ndaan mu piir usui na, ki tii u olif aasui aakpan mu cha unimbil wɔb ŋan na, ni tijikaar ti ga tii u mpɔɔn na.

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 10:19

Njim tii si mpopiin le ndaan cha aa kpa nsuupiin, aa mu aan ŋmaa kan nimina kaa nya ŋimombil.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Ulandaan 2:24

Tiwan ni ŋan ke unibɔn ŋa na le ye ke u ji, ki nyu, ki li mɔɔni waah tun ki kan pu na pu. Le m ki kan ke nimina mu nyan ni Uwumbɔr chee la.

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Ulandaan 6:12

Unii aan ŋmaa bee tiwan ni ŋan tii unibɔn, kimɔfageŋ ki kaa kpa tinyoor tibaa ki pinni jer ke kijunjuŋ na ni. Unii aan ŋmaa bee tiwan ni ga ŋa dulnyaa wee ni, waakun aapuwɔb na.

Ulandaan 7:18

Nyan aabaa nimina mɔmɔk ni. Aa yaa san Uwumbɔr kan, aa ga kan tinyoor.

Ulandaan 7:25

Le m nan di maalandak mɔmɔk tii ichiin ni liwanbae; m nan puu ke m kan nlan ni ngarm ki tii mbaan mu m kpa na, ki bae mbiin aah ye kijɔrk ni ilatiir pu na.

Ulandaan 8:15

Kina pu na, m kii ke unibɔn li mɔɔni, ba pu? waamɔɔn mu u kpa waamɔfal ni na le ye ke u ji, ki nyu, ki li mɔɔni. Buyoonn u bi nyani waatotoŋ Uwumbɔr aah tii u limɔfal li dulnyaa wee ni na, le u ga ŋmaa ŋa kina.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Efesusi 5:18

Ni taa nyu ndaan ki gbii man. Ndaan ga bii nimi la. Cha Uwumbɔr Aafuur Nyaan li gbii nimi n‑yoonn mɔmɔk,

Bibɔjirb 9:13

Tɔ, ŋisubil aadaan aasub ngbaan nan gar ke, ‘Waahr aan m ŋmaa joo nimi na, see m di cha maadaan mu tii ŋiwaa ni binib mpopiin na aaŋam.’

1 Samuel 25:36

Abigail nan gir kun Nabal u nan bi ji njim mu ŋeer ubɔr aajim na chee la. U nan nyun ndaan ki gbii, le ni mɔ u. Kina pu le waa nan bui u tibaa ki ti saa kichakpiik ni.