Ulandaan 2:23 - Uwumbɔr aagbaŋ

²³ N‑yoonn mumɔk aa bi limɔfal ni na, saatuln mɔmɔk joo ni limukl ni iyiween la. Hali kinyeek kan, saa ŋmaa doon ki fuur. Ni mɔmɔk ye fam la.

Ulandaan 2:23 ပူးပေါင်းရင်းမြစ်များ

Mpiin 3:17

Le Uwumbɔr bui uja ngbaan ke, “Saah ŋun tii aapuu ki yii maamɔb ki jin ŋisubil ngbaan na, m puun lii kitiŋ pu. Aa ga tun ki kan falaa le ki nin kan tijikaar ji.

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

Esta 6:1

Kinyeek ngbaan ubɔr aa nan ŋmaa geen; le u cha waatutunn yoor ni nnaan aagbann ki nan karn ti tii u.

Job Aagbaŋ 14:1

Bi ma ti mɔmɔk, ti ye tiwonkpir le kaa kpa uteter. Ti mɔmɔk bi tibɔbir, ni kimɔfageŋ baan ni la.

Job Aagbaŋ 5:7

Unibɔn le joo tibɔbir ubaa pu ke mmii aah pool pu na.

Ilahn 127:2

Aa yaa fii kichakpiik ni mala ki nan gir ni kijoobɔŋ ke aa tun ki kan kan, ni ye fam la. Uwumbɔr aah gee binib bi na dɔ geen le u tii bi baah ban pu na.

Ilahn 32:4

Uwumbɔr, aa nan dar ntafal nwiin pu ni kinyeek; le maapɔɔn doo, ke limaln aah kuur lipeel aatotoŋ chee pu na.

Ilahn 90:15

Tii timi mpopiin dandana wee ke saah nan tii timi mpombiin pu timi aafalaa aabin mɔmɔk yoonn na.

Ulandaan 1:13

M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 1:18

N‑yoonn mu aa moo kani nlan na, n‑yoonn ngbaan le ilandak moo kpae. N‑yoonn mu aa moo beer tiwan na, n‑yoonn ngbaan le ni mu tii si iween.

Ulandaan 2:11

Le m nan kal ki dakl lik maah tun pu na mɔmɔk, ni maah di kitotoŋ ki tun kina na, le ki kan ke ni mɔmɔk nan ye fam la. Ni nan bi ke saah bi san dii libuln le na, naa kpa tinyoor kpala.

Ulandaan 5:12

Nibaakan, unii u tun na ga li kpa ki ji, nibaa mu kan, waan kan ki ji. Tɔ, u mu tee geeni kinyeek. Uwankpadaan ma kan, u kpa sakpen u ji, le kaa tee geeni kinyeek, ki dɔ dak ilandak.

Ulandaan 5:17

Ti bi limɔfal lee ni, mbɔmbɔɔn ni mpombiin ni la, le ni muk timi, le timi aaŋuul fii, le ti buŋni.

Ulandaan 8:16

N‑yoonn mumɔk m pɔɔni mbaa ke m ŋa nlan ki bae tiwan ni ŋani dulnyaa wee ni na, le m kan ke aa ga ŋmaa li dɔ waa kinyeek ni nwiin pu,

Daniel 6:18

Le ubɔr gir kun, kaa ti ŋmaa geen kinyeek ngbaan, kaa jin tijikaar, kaa cha bi gbiir ngbiir tii u liyaadaal ngbaan.

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.