Ulandaan 2:19 - Uwumbɔr aagbaŋ

¹⁹ Nibaakan, u ga nan li ye ulandaan, bee ujɔr la, tɔ, ubaa mu aa nyi. Tɔ, maah tun ki kan tiwan ni mɔmɔk na ga nan kpaln uyaan la. Maah di maalan tun ki kan tiwan ni mɔmɔk na ga nan li ye uyaan la. Ni ye fam la.

Ulandaan 2:19 ပူးပေါင်းရင်းမြစ်များ

1 Bibɔrb 11:43

U nan kpo, le bi di u sub ute David aatiŋ ni, le ujapɔɔn Rehoboam kal waajal pu ki ye ubɔr.

1 Bibɔrb 12:13

Ubɔr ngbaan nan yii bininkpiib na aasurm le ki len binib ngbaan chee gala gala,

Ulandaan 2:11

Le m nan kal ki dakl lik maah tun pu na mɔmɔk, ni maah di kitotoŋ ki tun kina na, le ki kan ke ni mɔmɔk nan ye fam la. Ni nan bi ke saah bi san dii libuln le na, naa kpa tinyoor kpala.

Ulandaan 2:20

Kina pu le m nan bee ke maah nan tun ki kan pu na aa ye maawan, le ni bii nsui.

Ulandaan 3:22

Le m bee nima chee ke taah ga ŋa pu aan ni li ŋan tii timi na, le ye ke ti li mɔɔni taah tun ki kan tiwan ni na pu. Taan ki ŋmaa ŋa nibaa kpee. Nsan mubaa aa bi ki ga ŋmaa cha ti bee tiwan ni ga ŋa, timi aakun aapuwɔb na.

Ulandaan 9:13

Tiwan nibaa mu nan ki bi m kan ni, tiwan ni m ga ŋmaa di ni ŋaŋ baah lik nlan dulnyaa wee ni pu na.

Tibɔnyaan ti Luk ŋmee ti na 16:8

Tɔ, ututunn u kaa ŋan na aadindaan aah ŋun ni pu na, le u pak u, ke waah ŋa pu na, u kpa nlan la. Naatataa le ye ke dulnyaa wee aanib kpa nlan baabɔr ni ki jer Uwumbɔr aanib aah kpa pu na.

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.