Ulandaan 2:17 - Uwumbɔr aagbaŋ

¹⁷ Kina pu na, limɔfal aa nan kpa tinyoor tibaa m chee, ba pu? limɔfal lee aawan mɔmɔk joo ni mi tibɔr ŋmeen la. Ni mɔmɔk ye fam la; m nan bi san dii libuln la.

Ulandaan 2:17 ပူးပေါင်းရင်းမြစ်များ

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

Job Aagbaŋ 14:13

M ba ga li gee ke aa di mi bɔr bitekpiib do la; cha m li bɔr aan saaŋuul ti sɔŋ waahr, aan ki nin siin n‑yoonn mu aa ga teer mbɔr na.

Ilahn 89:47

Teer ke maamɔfal aa fɔk; teer ke aa naan ti mɔmɔk aan ti ye tiwan ni ga kpo na la.

Ulandaan 1:14

M kan tiwan ni mɔmɔk ŋa dulnyaa wee ni na, le ki ban m bui si ke ni mɔmɔk ye fam la. Ni bi ke unii aah bi san dii libuln pu na la.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 2:11

Le m nan kal ki dakl lik maah tun pu na mɔmɔk, ni maah di kitotoŋ ki tun kina na, le ki kan ke ni mɔmɔk nan ye fam la. Ni nan bi ke saah bi san dii libuln le na, naa kpa tinyoor kpala.

Ulandaan 2:22

Aa ga muk aabaa le ki tun dulnyaa wee ni, le kaa nan kpa tinyoor tibaa.

Ulandaan 3:16

Tiwan ni ki kpee na le ye ke m kan ke ibamɔn ni lituln li ŋan na aa ba ga li bi nin chee dulnyaa wee ni na, mbiin le bi nima.

Ulandaan 4:2

M kpa lipiipoln binib bi kpoi kaa ki bi na pu. Bi yaan soor binib bi kaa kpo na.

Ulandaan 4:3

Binib bi yaan ŋan sakpen na, le ye baah kaa kee ma bi na. Bima aah kaa kee kan dulnyaa wee ni aabeebee aatuln na, bi yaan soor.

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Jona 4:3

Uwumbɔr, cha m kpo. M yaa ba tee kpo kan, ni ba soor ni ke m li kpa limɔfal.”

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”

Habakuk 1:3

Ba ŋa aa cha m kani tibɔbir timina aaboln? Ni ga ŋa kinye aan aa li ka lik titunwanbir ki ŋmin? Mbiin ni mbimbin mu pɔɔ na le mann goln mi na, le kijaak ni kinikpakpak bi ni kookoo.

Nkahm 11:15

Ni yaa ye ke aa ga ŋa mi kina kan, tee san mi kinimbaak ki nyan maamɔfal, nima kan, m ga nya falaa sakpiin wee ni.”