Ulandaan 2:14 - Uwumbɔr aagbaŋ

¹⁴ Bilandam waa baah cha nin chee na, le bijɔrb ma aa waa. Tɔ, m mu tee nyi ke ti mɔmɔk aadoon ye tiwan nibaa la.

Ulandaan 2:14 ပူးပေါင်းရင်းမြစ်များ

Ilahn 19:10

Uwumbɔr aamɔbon ŋan jer salmaa u bi pun u mmii ni ki nyan waajɔŋ mɔmɔk na, ŋi mɔ jer tisiir ti wiin chain na.

Ilahn 49:10

Unii mɔk kani ke binib bi kpa nlan na mu kpoi, ke bijɔrb ni bilatiirb na la. Bi mɔmɔk kpoi le ki cha baawangol siini biyaabitiib.

Ilahn 49:11

Baakaakul ga li ye bido ki ti saa n‑yoonn mu kaa kpa ndoon na; nima chee le bi ga li bi n‑yoonn mɔmɔk, bi mu nan tee kpa bibaa aatim n‑yoonn mubaa.

Ŋiyataŋak 14:8

Ni ŋa kinye aan ulandaan chi? Naah ye pu na le ye ke u nyi waah ga ŋa pu na. Ni ŋa kinye aan ugbaan kpa kijɔrk? Naah ye pu na le ye ke u dak ke u nyi la.

Ŋiyataŋak 17:24

Unii u chi na lik ban isanyaan la, le ujɔr ma piini waah gee lipepel li na.

Ulandaan 2:16

Ubaa aa teer bilandam bɔr, le ubaa mu aa teer bijɔrb bɔr. N‑yoonn mu choo na, ubaa aan nan ki teer ti mɔmɔk bɔr. Bilandam, ni bijɔrb mɔmɔk ga kpo.

Ulandaan 3:19

Naah ye pu na le ye ke unibɔn aadoon ni kiwakork aadoon ye mubaa la. Unibɔn ga kpo, le kiwakork mu ga kpo. Ni mɔmɔk ye tiwanfuurkaan baan la. Limɔfal aa kpa tataa unibɔn ni kiwakork mɔk chee, kina pu na, nibaa aa jer niken.

Ulandaan 6:6

Tɔ, u mu tee kan nin chee u ga fuur na, ki jer uja u jin ŋibin ŋichur ŋilee ki mu aa jin limɔfal aamɔɔn na; ba pu? bi mɔmɔk cha libubaan ni la.

Ulandaan 6:8

Ulandaan aa soor ujɔr. Ugiin aah ga ŋmaa ŋa pu ki li bi dulnyaa wee ni na, naa kpa u tinyoor tibaa.

Ulandaan 7:2

Aa yaa buen lidichal li ponn ni bi wii ikpowiil na kan, ni soor ni ke aa buen li ponn ni binib bi ji njim na, ba pu? ni ŋan ke umɔfadaan mɔk li nyi ke nkun dɔ kiir ti mɔmɔk la.

Ulandaan 8:1

Ulandaan baanja le nyi tiwan aatataa aah ye pu na. Nlan cha u laa limɔmumukl ki cha unimbil wiin.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Ulandaan 9:16

M len n‑yoonn mɔmɔk ke nlan ŋan jer mpɔɔn, le ubaa aa nyi ke ugiin mu kpa nlan. Ubaa aatafal aa bi waah len pu na ni.

1 Jɔnn 2:11

Unii umɔk nan una aabo na bi mbɔmbɔɔn ni la, le ki dii mbɔmbɔɔn aasan. Mbɔmbɔɔn ngbaan jɔb unimbil la, nima le waa nyi waah cha nin chee na.