Ulandaan 2:10 - Uwumbɔr aagbaŋ

¹⁰ M nan kani tiwan nimɔk m ban na. M nan ji mmɔɔn maah gee pu na la. M nan mak maah tun ki kan tiwan ni mɔmɔk na pu. Nimina mɔmɔk nan ye maapar la.

Ulandaan 2:10 ပူးပေါင်းရင်းမြစ်များ

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

Mpiin 6:2

le ŋiniwɔk nan yoor baah gee bi na, ki di ŋa bipuutiib.

Job Aagbaŋ 31:1

M puu tipuukpaan le ke maan di lineel aanimbil lik usapɔɔn daalbaadaal.

Ilahn 119:37

Taa cha ntafal li bi tiwan ni kaa kpa tinyoor na ni; saah puu pu na, li kpa m pu tiŋann.

Ilahn 128:2

Saatuln le ga tii si saah ban pu na; aa ga kan liwangol ki li kpa mpopiin.

Ŋiyataŋak 23:5

Saamombil ga ŋmaa fii ke ŋaah kpa ifeen ke likaagiil na la, ki cha si.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 2:1

M nan ŋa nlandak ke m ji mmɔɔn ki lik ke ni kpa mpopiin aan naa kpa, le ki kan ke ni mu ye fam la.

Ulandaan 2:22

Aa ga muk aabaa le ki tun dulnyaa wee ni, le kaa nan kpa tinyoor tibaa.

Ulandaan 2:24

Tiwan ni ŋan ke unibɔn ŋa na le ye ke u ji, ki nyu, ki li mɔɔni waah tun ki kan pu na pu. Le m ki kan ke nimina mu nyan ni Uwumbɔr chee la.

Ulandaan 3:22

Le m bee nima chee ke taah ga ŋa pu aan ni li ŋan tii timi na, le ye ke ti li mɔɔni taah tun ki kan tiwan ni na pu. Taan ki ŋmaa ŋa nibaa kpee. Nsan mubaa aa bi ki ga ŋmaa cha ti bee tiwan ni ga ŋa, timi aakun aapuwɔb na.

Ulandaan 5:10

Aa yaa gee ŋimombil kan, saan bab ŋi daalbaadaal. Aa yaa ban ke aa li kpa kan, saan ŋmaa kan saah ban pu na mɔmɔk. Ni ye fam la.

Ulandaan 5:17

Ti bi limɔfal lee ni, mbɔmbɔɔn ni mpombiin ni la, le ni muk timi, le timi aaŋuul fii, le ti buŋni.

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Ulandaan 6:2

Uwumbɔr ga ŋmaa tii unii ubaa ŋimombil ni liyimbil, ni liwangol; mbamɔn, u ga ŋmaa tii u tiwan ni mɔmɔk u ban na, le kaan tee cha u ji tiwan ngbaan aamɔɔn. Unii uken le ga nan ji ni. Ni ye fam la, le kaa ŋan.

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Ulandaan 8:15

Kina pu na, m kii ke unibɔn li mɔɔni, ba pu? waamɔɔn mu u kpa waamɔfal ni na le ye ke u ji, ki nyu, ki li mɔɔni. Buyoonn u bi nyani waatotoŋ Uwumbɔr aah tii u limɔfal li dulnyaa wee ni na, le u ga ŋmaa ŋa kina.

Ulandaan 9:6

Bi ni baageehm, ni baananaŋ, ni lineen kpaan kpo la. Baan ki ŋa tiwan ni ŋani dulnyaa wee ni na nibaa.

Ulandaan 9:9

Cha aa ni upii u aa gee u na ji mmɔɔn saamɔfal li kaa kpa tinyoor tibaa aan Uwumbɔr di tii si dulnyaa wee ni na. Ji mmɔɔn nwiin mɔk, ba pu? saatotoŋ aanyoor le na.

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.

Bibɔjirb 14:2

U nan gir kun le ki ti bui ute ni una ke, “Filistia aasapɔɔn ubaa bi Timna aatiŋ ni ki koo nsui ni sakpen. Ban u tii mi man; m gee ke m di u ŋa mpuu.”