Ulandaan 12:7 - Uwumbɔr aagbaŋ

⁷ Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Ulandaan 12:7 ပူးပေါင်းရင်းမြစ်များ

Mpiin 18:27

Abraham nan ki mee Uwumbɔr ki bui u ke: “M gaŋ si, cha pinn mi, maah beenin kpa lipobil ki bi len tibɔr aa chee na. Ndindaan, m ye unibɔn la, le kaa kpa nsan m kpak si tibɔr.

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Job Aagbaŋ 20:11

Uwon nan ye tinachipɔwon le ki pɔɔ nyaa, le ti ga guun kpaln titan.

Job Aagbaŋ 7:21

Saan ŋmaa di cha pinn mi maatunwanbir aa? Saan ŋmaa suln taani u m ŋani na aa? Naan ki yunn le m koo likaakul ni, le aa yaa ki ban mi kan, saan kan mi.

Ilahn 103:14

U nyi taah nyan ni tiwan ni ponn ni na; u teer ke ti ye titan la.

Ilahn 104:29

Aa yaa fenn siir kan, le ijawaan chuu ni; aa yaa chuu naafuurk kan, le ni kpo, ki gir kpaln titan ti ponn ni ni nyan ni na.

Ilahn 146:4

Bi yaa nan kpo kan, bi ki kpaln titan la; baah ŋani ilandak i na mɔmɔk doo liyaadaal ngbaan le na.

Ilahn 31:6

Saa gee binib bi dooni ŋiwaa na, le mma tii si naadii.

Ilahn 90:3

Aa tuk unibɔn ke u ki gir ŋa waah nan ye tiwan ni na; aa cha u ki gir kpaln titan.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Jeremia 38:16

Le Ubɔr Sedekia nan loon ki puu tii mi ke, “M puu Uwumbɔr u bi, ki tii timi limɔfal na, ke maan ku si, kaan di si tii binib bi ban bi ku si na.”

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 27:16

“Ndindaan Uwumbɔr, sin u ye umɔfadaan na, m mee ke aa nyan uja u ga ŋmaa joo binib bee na,

Tibɔnyaan ti Luk ŋmee ti na 23:46

Le Yesu teen mpɔɔn pu, le ki bui ke, “Nte Uwumbɔr, m di maawiin ŋa aaŋaal ni la.” Waah len kina na, le u kpo.

Lituln 7:59

Le bi mae Stiifen ŋitakpal u ti kpo. Baah bi mae u ŋitakpal na, le u mee Tidindaan ke, “Tidindaan Yesu, gaa maawiin,”

Hiibru Yaab 12:23

Ni fuu ni Uwumbɔr aabipolb bi aayimbil ŋmee paacham na aakuun chee la. Ni fuu ni Uwumbɔr u ye binib mɔmɔk aabɔjir na chee. Ni fuu ni bininyaam aawiin mu Uwumbɔr ŋa mu, mu ŋan ti doo na chee.

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.