Ulandaan 12:5 - Uwumbɔr aagbaŋ

⁵ Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Ulandaan 12:5 ပူးပေါင်းရင်းမြစ်များ

Mpiin 42:38

Le Jakob nan bui u ke, “Maabo ngbaan aan dii si; ukpel kpo a, uma baanja le gur. Nibaakan tiwan nibaa ga ti ŋa u nsan ni. M por a, maabo umina mu yaa ki kpo kan, nsui ga bii sakpen ki cha m kpo.”

Mpiin 44:29

Ni yaa ki nyan umina mu m chee aan nibaa ti ŋa u kan, maah por sakpen pu na, nsuubiin sakpiin ga ku mi.’

Job Aagbaŋ 15:10

Ti bae timi aalan bininkpiib bi pan iyikpipiin na chee la, bijab bi nan bi aan bi nin ma aate na chee le ti bae.

Job Aagbaŋ 17:13

Kitekpiitiŋ le gur ye maamakl, nima chee le m ga doon ki geen mbɔmbɔɔn ni.

Job Aagbaŋ 30:23

M nyi ke aa joo mi cha maakun ni la, aa joo mi cha ndoon mu dɔ kii unii mɔmɔk na ni la.

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Ŋiyataŋak 16:31

Binib bi aabimbin ŋan na aapar le ye limɔfal li fɔk na, iyikpipiin ye tiwan ni ŋan ki kpa kipak na la.

Ŋiyataŋak 20:29

Ti neen tinachipɔnn aapɔɔn, le ki pak tininkpir aayikpipiin.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Aisaya 46:4

Min le ye nimi Aawumbɔr u joo nimi na ki ti saa buyoonn ni ga por aan niyil piir na. Min le naan nimi le ki ga li joo nimi, min le ga ter nimi ki gaa nimi lii.”

Jeremia 1:11

Uwumbɔr nan baa mi ke, “Jeremia, aa waa ba?” Le m gar u ke, “M waa busub bu bi yin bu ke ‘Ka kii’ na aasubon la.”

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Liifai Yaab 19:32

“Min le ye Uwumbɔr, ni li san mi ijawaan, ki li pak binib bi jer nimi na, ki li nyuŋni bi.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.