Ulandaan 12:14 - Uwumbɔr aagbaŋ

¹⁴ Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Ulandaan 12:14 ပူးပေါင်းရင်းမြစ်များ

Job Aagbaŋ 19:29

Tɔ, li san kijaak aajuk man, li san kijaak aajuk ki joo ni Uwumbɔr aah gee liŋuul li titunwanbir pu na man, aan ni bee ke ubaa bi ki ji binib tibɔr.

Ilahn 50:21

Ni ŋani nimina mɔmɔk, le maa len tibaa, kina pu le ni dakl ke m mu bi kina la. Tɔ, dandana ma kan, m ban m galn nimi la, ki nyan tibɔr ngbaan lipaal tii nimi.

Ilahn 90:8

Aa joo timi aatunwanbir bilni aanimbiin ni, hali timi aatunwanbir ti bɔr na, aa joo bilni nin chee aa ga li waa ti na la.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 3:17

Le m bui mbaa ke, “Uwumbɔr ga ji binib bi aabimbin ŋan na, ni titunwanbirdam tibɔr la, ba pu? tiwan mɔmɔk, ni lituln mɔmɔk, ga ŋa n‑yoonn mu u siin ni na la.”

Matiu 10:26

“Ni taa san binib ijawaan man. Tibɔbɔrkaan mɔmɔk ga kpiir. Tibɔr timɔk bɔɔ na, ti ga nyan mpaan pu.

Matiu 12:36

“M tuk nimi la, bundaln Uwumbɔr ga ji binib tibɔr na, liyaadaal ngbaan le bi ga kpiir baah nan len tibɔr yɔl yɔl ti na mɔmɔk ki tuk Uwumbɔr.

Jɔnn 5:29

ki nyan ni. Binib bi nan tun lituln li ŋan dulnyaa wee ni na ga fikr ki kan limɔfal li kaa kpa ndoon na. Binib bi nan tun lituln li kaa ŋan na ga fikr ki kan ntafadaan.”

Rom Yaab 2:16

Ni ga li bi kina le bundaln Uwumbɔr ga cha Yesu Kristo ji binib tibɔr, ki baa bi tibɔbɔrkaan ti bi bisui ni na aabɔr. Maah tuk binib tibɔnyaan ti na le mɔk kina.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.